Алиас Кәарцхьиа: исгәаԥхаӡом аҟьамсар сахьаланхо
"Агәамсам азы иҟоу аҭагылазаашьа сгәаԥхом, исгәаԥхом аҟьамсар сахьыланхо. Раԥхьа аизгара саналгоз, уи ҩышықәса ҵуеит шьҭа, сҩыза ҷкәынак дсыцхрааит. Усҟан рацәак ҳзеизымгеит. Еиҳарак агәам ахьалажьу абардрақәа рҟны ауп. Аиаҵәара андәықәлалак зегьы убаӡом, уажәазы агәам ахькажьу убоит, унеины унадгылоит. Сгәы ҵәыуеит ак кажьны ианызбо, дарбанзаалакгьы бзиа ибоит ҳәа сыҟам. Аха сгәаанагарала, ауаҩы амҩан агәам казыжьуа, аҩнгьы ус икаижьуеит. Ари ҳхаҿоуп, иаауа Аԥсныҟа уи ауп иибо. Ари ҳхәыҷқәагьы ирзеицәахоит. Зегьы ҳаидгылан иҳамрыцқьалар, есааира еиқәылалоит, нас азауадгьы ҳахәом", - азгәеиҭеит Кәарцхьиа.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.
