09:46 18 Нанҳәа 2019
Ишиашоу ицо аефир
  • USD66.00
  • EUR73.22
Амиран Какалиа
© Sputnik / Томас Тхайцук

Какалиа еиҭеиҳәеит акамшьиа иахҭныҵыз аԥара абиуџьет шаҟа алагалахо атәы

Арадио
Икьаҿу ахьарԥш аиура
37 0 0

Аԥсны Ақыҭанхамҩа аминистр Амиран Какалиа арадио Sputnik аҟны еиҭеиҳәеит сынтәа акамшьиа акра инамаданы абиуџьет шаҟа алагалахо, уи аԥсыӡ хкы аус адызуло ирԥыло ауадаҩрақәа ртәы.

"Акамшьиа аамҭазы Аԥсны еиуеиԥшым азауадқәеи аилахәрақәеи иркыз 66 нызқьи 301 тонна артәеит. Азакәанқәа, аԥҟаԥҵәақәа инарықәыршәаны, аԥсабаратә ресурс ахархәаразы иаларгалаша иартәоит 123 миллиони 221 нызқь мааҭ. Уи аҟынтәи 79 миллион мааҭ инацны иаларгалахьеит, ҳазҭоу амза нҵәаанӡа даҽа 44 миллион мааҭ алагалахап ҳәа ҳгәы иаанагоит. Аԥсабаратә ресурс ахархәара ақыҭанхамҩа аминистрра хылаԥшра анаҭоит.

Иркыз аԥсыӡ хкы акамшьиа иалхны ашыла ҟарҵоит. Уи аҟынтәигьы ашәахтә абиуџьет иаларгалоит", - иҳәеит Какалиа.

Аминистр иазгәеиҭеит аԥсыӡкра знапы алаку аилахәрақәа аԥынгылақәа шрымоу раалыҵ аҭиразы.

"Аԥсыӡ ашша мамзаргьы ашыла ҳәа ззаҳҳәо аиҳараӡак аҭиразы Ҭырқәтәылаҟа иргоит. Уи аԥсуаа иаадрыхыз атауар ҳәа ирызнагаӡом, убасгьы уаҟа ироуа аԥара абанктә системала арахь ирзиагаӡом", - азгәеиҭеит Какалиа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    171
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    57