Микрофон  - Sputnik Аҧсны
Арадио

Убириа Ауаажәларратә палата аусуразы: алҵшәа зынӡа иамоуӡацт уҳәар ҳрыцҳауп

© Sputnik / Томас ТхайцукДаниил Убириа
Даниил Убириа  - Sputnik Аҧсны
Анапаҵаҩра
Ауаажәларратә палата амаӡаныҟәгаҩ инапынҵақәа назыгӡо Даниил Убириа арадио Sputnik аефир аҟны иҳәеит апалата алахәцәа русура зынӡа алҵшәа амам ҳәа ацәажәарақәа иашам ҳәа шиԥхьаӡо.
Коӷониаԥҳа лымҩаду: Убириа Ауаажәларратә палата аусура иазкны

"Ауаажәларратә палата иалоу зегьы хәыда-ԥсадоуп аус шыруа. Абиуџьет аҟынтәи иаҳзоурыжьуа ақьаад, акалам злааҳхәо роуп, ҳахьтәоу ахыбра ахә ахыршәаауеит, хымԥада.

Сақәшаҳаҭуп, алҵшәа амоур иаҳаӡбо, ҳус башахеит, аха алҵшәа зынӡа иамоуӡацт уҳәар ҳрыцҳауп. Амҩадуқәа рҟны ашәарҭадаразы иаҳаӡбаз ала аҳәынҭқарра ахада аусԥҟа инапы аҵаиҩит иаҳҭаауа атуристцәа иахьугәаԥхаз раанкылара азин шыҟам, џьара хәымгарак ҟарымҵазар. Уи иаразнак иҟалаз усуп. Убасгьы арепатриантцәа рҭагылазаашьа ҳахәаԥшхьеит, убригьы аус адулан. Иаҳҳәо зынӡа иазхьаԥшуам сҳәом. Иҟоуп ҳара Ауаажәларратә палата иаҳхароугьы, иҟоуп ҳаилазаараҟны еиуеиԥшым акомиссиақәа, урҭ рхадацәа ишьҭыху азҵаара аҵыхәтәанӡа анагара иацклаԥшлароуп", - иҳәеит Убириа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны адырраҭара "Коӷониаԥҳа лымҩаду" аҟны.

Ажәабжьқәа зегьы
0