Микрофон  - Sputnik Аҧсны
Арадио

Арсалиаԥҳа еиҭалҳәеит Петербург анапы зҵаҩыз акультура аплан иаҵанакуа

© Sputnik / Томас ТхайцукАԥсны акультура аминистр Ельвира Арсалиа
Аԥсны акультура аминистр Ельвира Арсалиа - Sputnik Аҧсны
Анапаҵаҩра
Аԥсны акультура аминистр Ельвира Арсалиа ажурналистцәа рзы имҩаԥылгаз апресс-конференциаҟны еиҭалҳәеит Санкт-Петербургтәи жәларбжьаратәи афорум аԥсуа делегациа алахәхара алҵшәақәа ртәы.
Арсалиаԥҳа еиҭалҳәеит Петербург анапы зҵаҩыз акультура аплан иаҵанакуа

Санкт-Петербургттәи VIII-тәи жәларбжьаратэи акультуратэ форум мҩаԥысуан абҵара 14-16 рзы. Уи тема хадас иаман "Аглобализациа аамҭазы акультуратә кодқәа". 

"Есышықәса ари афорум иҭагӡаны жәларбжьаратәи ҳаигәныҩра еихшьаало иааиуа ашықәс азы апрограмма шьақәҳаргылоит. Урыстәыла акультура аминистрреи ҳареи ҳнапы аҵаҳҩит 2020 шықәсазы имҩаԥысуа ауснагӡатәқәа рыплан иара убас апрограмма 2020 шықәса инаркны 2022-нӡа",- лҳәеит Арсалиаԥҳа.

Лара иазгәалҭеит афорум сынтәатәи атема "Аглоблизациа аамҭазы акультуратә кодқәа" ишеицырзеиԥшу аҳәынҭқаррақәа. Иахьатәи аамҭа иҳаднагало аҿыцрақәа акультура аиқәырхара, аизырҳара злалныршо иалацәажәон афорум аҟны.

"2020-тәи  ашықәс азы анапы зҵаҩыз акультуратә план иҳаднагалоит арҿиаратә коллективқәа рыла аиҭныԥсахлара. Есышықәса еиԥш Аԥсныҟа иаауеит еицырдыруа атеатр, ҳколлективқәагьы рхы рыладырхәеит Урыстәыла ақәгыларақәа, афестивальқәа. Иҟоуп аҿыц лагалақәа. Акультуратә сезонқәа рҳәаа  иҭагӡаны иаҳҭахын аҵараиурҭақәа рзы иҟаҳҵарц аҭагылазаашьа амастер-классқәа, асеминарқәа рымҩаԥгаразы. Сынтәа иҳалшеит алацәажәара урҭ ҳаԥхьаҟа рымҩаԥгара азҵаара. Акультуратә сезонқәа убасгьы ирылахәхоит абиблиотекақәа", - лҳәеит Арсалиаԥҳа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

 

 

Ажәабжьқәа зегьы
0