Микрофон  - Sputnik Аҧсны
Арадио

Аҩӡба Иааигәоу Мрагылара ишьақәгылаз аҭагылазаашьазы: аҵәы иршуеит зымч ӷәӷәоу

© Sputnik / Томас ТхайцукАслан Авидзба
Аслан Авидзба - Sputnik Аҧсны
Анапаҵаҩра
Иааигәоу Мрагылара ишьақәгылаз аҭагылазаашьа аҭоурыхтә шьаҭас иамоу атәы арадио Sputnik Аԥсны аефир аҿы еиҭеиҳәеит Аԥсуаҭҵааратә институт аиҳабы ихаҭыԥуаҩ, аҭоурыхтә ҭҵаарадыррақәа рдоктор Аслан Аҩӡба.
Хра злоу ахҭысқәа: Аҩӡба Иааигәоу Мрагылара ишьақәгылаз аҭагылазаашьа

"Арегион аҿы аҵәы зыршо акәны иҟоуп иаҳа зымч ӷәӷәоу атәыла, избан акәзар, амч змоу иоуп аҭагылазаашьа ахьыуадаҩу иинтересқәа рыхьчара зылшо. Зегь реиҳа ари аҭагылаазаашьаҿы аинтерес змоу Америка ауп. Франклин Рузвельт ихаан инаркны, иара иԥхьаӡон Америка аинтересқәа адунеи зегь аҿы ихьчатәуп ҳәа, адунеи зегь аҿы изыцәшәо мчны иҟаиҵарц, аха асенатгьы аконгрессгьы уи аҩыза алшара инаҭомызт. Иара иидеиа аиааира агеит. Америкатәи ар Перл-Харбор ирыман рбаза, уа Иапониа абомба анақәрыжь адырҩаҽны иара, уи даныхәыҷыз ибӷа ԥҵәан аҟнытә, дызгылаӡомызт, адунеизегьтәи аполитикахь ҳцәырымҵыр ҟалаӡом ҳәа аниҳәа, ҟалашь аамаӡам рҳәеит аконгресс аҿы, ҟалашьа змам акрыҟазар уажә ишәсырбоит иҳәан, ишьапкәа дрықәгылеит. Иара ҩажәа шықәса уи аԥхьа дымгалацызт. Убри аҽны аконгрессаа иара идгылеит, америкаа зегьы адунеи аҿы имҩаԥысуа апроцессқәа ирылахуп. Дара алахәын аҩбатәи адунеизегьтәи аибашьра. Аҵыхәтәан, Гитлер икоолициа шаҵахоз анырба ашьҭахь, аибашьра иалалеит, иаиааиз иоуз алшарақәа ирылахәхарцаз. Уи аибашьра Америка алҵит зегь реиҳа амч ӷәӷәаны, економикалагьы, бџьарлагьы", - ҳәа иҳәеит Аҩӡба.

Ажьырныҳәа хԥа рзы Пентагон имҩаԥгаз аоперациаҿы Багдад дҭархан иҷыдоу адҵақәа рзы акомандаҟаҵаҩ, аинрал Касем Сулеимани. Анаҩс Иран Ирак иҟоу америкатәи арратә база ракетала еихсит.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

 

Ажәабжьқәа зегьы
0