"30 шықәса инареиҳаны издыруаз, даара исзааигәаз ауаҩы дсыԥхеит. Шанибов идҳәалоу аамҭа ҭоурыхтә аамҭоуп. Ажәохәтәи-ажәибжьтәи ашәышықәсақәа раан иҟаз афырхаҵаратә аамҭа еиҭа ҳазыхынҳәызшәа ҳҟалеит ҳара ҳаибашьраан. Адыгцәеи ҳареи еицаҳзеиԥшу афырхацәа Нарҭаа, жәабжьны, лакәҵас иҟаз, лабҿаба иааины рашьцәа ирыдгыланы, Нарҭаа ирышьашәалоу афырхаҵара аарԥшны, рхы иамеигӡакәа рашьцәа рзы ашьа каҭәаны, еиҭа аҭоурых ахь ихынҳәит, аепос хадырҭәааит. Убри хазырҭәааз дыруаӡәкуп иара. Шанибов ауниверситет аҿы аус иуан, дыпрофессорын, абри зегьы нышьҭаҵаны, Султан Сосналиевгьы ус ҟаиҵеит, рашьцәа рывагылара шхадыроу еилкааны, иааины иҳавагылеит. Аӡәгьы ажәала дузыргылаӡомызт, ашьа агәалашәара амоуп, убри агәалашәара рҿыхатәын Кавказ жәлар реидкылараҿы. Уи арҿыхараҿы Муса Шанибов илшаз даара ирацәоуп", - ҳәа азгәеиҭеит Аламиа.
Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
-
Аиааира агара ус имариаӡам: Аԥсны Афырхаҵа Сулҭан Сосналиев игәаларшәара
-
Аиааира хацеиҩызшаз: хатәгәаԥхарала еибашьуаз ргәалашәарақәа
