"Ахәашаҽны аҭаацәа рҟнытә иҳауит адырра ахәыҷы акоронавирус шидбалаз. Анаҩс асанитартә епидемиологиатә усбарҭаҟнытә иаҳзасит, аҵаҩцәа рыбжьара ачымазара шышьақәдырӷәӷәаз азы, акласс аҵаҩцәа зегьы акарантин ахь ишьҭтәуп ҳәа адҵа ҳарҭеит. Аҽны аҵаҩцәа ашкол ахь иааиртә иҟаҳамҵеит, иаразнак ҳасны ираҳҳәеит, аха ҩымш уи аԥхьа акоронавирус зыдбалаз акласс аҿы дтәан. Ахәыҷқәа зегьы аҵара ицызҵоз, иара убас егьырҭ аклассқәа рҿы итәоу ҭаацәак аҟынтә ахәыҷқәа 14 мшы аҩны иҟазаауеит. Урҭгьы ажәабатәи амш аҽны анализ арҭоит. Арҵаҩцәа акарантин ахь ишьҭым, избанзар урҭ асабрадақәа рхан. Акласс аҿы асанитартә усбарҭақәа арзҩыдаратә усура ҳәа акгьы ҟарымҵеит", - ҳәа еиҭалҳәеит Делԥҳа.
Ашкол адиректор еиҭалҳәеит ахыбра аҩнуҵҟа асанитартә ԥҟарақәа ишрықәныҟәо атәы, насгьы иаҭаху амаругақәа рыла иахьынӡеиқәшәоу.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
-
Аԥсны Асанепидемстанциа аҵарашықәс ҿыц алагамҭазы абжьгарақәа ҟанаҵеит
-
Иҳаҩсыз уахыки-ҽнаки рыла Аԥсны 36-ҩык акоронавирус рыдбалоуп
