Микрофон  - Sputnik Аҧсны
Арадио

Ҳагба: аибафара ҳзацәцар, ҳхы ҳзаиааир, аӷьацара ҳауеит

© Sputnik / Томас ТхайцукКесоу Хагба
Кесоу Хагба  - Sputnik Аҧсны
Анапаҵаҩра
Аԥсуа ҳәынҭқарратә драматә театр актиор Кьасоу Ҳагба арадио Sputnik аефир аҟны еиҭеиҳәеит атеатр аԥсҭазаараҟны иҳаҩсыз ашықәс азы ихҭысны иаликаауа атәы.

 

Ҳагба: аибафара ҳзацәцар, ҳхы ҳзаиааир, аӷьацара ҳауеит

"Атеатр аԥсҭазаараҿы иҳаҩсыз ашықәс азы сара сзы ихадароу хҭысны иҟалеит Адгәыр Ақаҩба иқәыргыламҭа "Ромеои Џьулеттеи". 18 аншлаг Аԥсуа театр аҟны иҟамлеижьҭеи акрааҵуан, еиҳарак иџьоушьаша, аҭааҩцәа аҿар ракәын. Уи хҭысуп. Насгьы Заур Ақаҩба иҷкәын Бенар адипломтә спектакль ықәиргылеит. Уи акомедиазы режиссиорк иаҳасабала аԥхьахә иоуит Ҟабарда афестиваль аҟны. Егьыс ҳазхьымӡаз рацәоуп, аха ачымазарагьы хәшәык аиуп. Зегьы ирыцку - дарбан ԥсыуазаалак, дахьыҟазаалак иаку ажәлар, иаку ҳҳәынҭқарра амаҵ ҳаулар, ҳазыхандеир, ҳаԥхьаҟа ҳманшәалахоит, милаҭк аҳасабалагьы ҳанхоит, ҳҵеирагьы аԥеиԥш бзиа роуеит. Амцҳәареи, аиҵаӷьычреи, аибафареи ҳзацәцар, ҳхы ҳзаиааир, акгьы ҳахьуам, аӷьацара ҳауеит", - иҳәеит Ҳагба.

 

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

Ажәабжьқәа зегьы
0