Микрофон  - Sputnik Аҧсны, 1920
Арадио

Дочиа еиҭеиҳәеит Тҟәарчал арҿиаразы еиқәдыршәаз апрограмма иазԥхьагәанаҭо атәы

© Sputnik / Томас ТхайцукИсидор Дочия
Исидор Дочия - Sputnik Аҧсны, 1920, 09.04.2021
Анапаҵаҩра
Мшаԥы 9 рзы Тҟәарчал ақалақь 79 шықәса ахыҵит. Тҟәарчал араион ахада Исидор Дочиа арадио Sputnik аефир аҟны еиҭеиҳәеит Ақалақь-фырхаҵа арҿиаразы ажәалагалақәа программаны еиқәыршәаны атәыла анапхгара рахь ишынарышьҭыз.
Дочиа еиҭеиҳәеит Тҟәарчал арҿиаразы еиқәдыршәаз апрограмма иазԥхьагәанаҭо атәы

"Ԥшьнызқьи хәышәҩык ақалақь аҟны инхо рыла аԥсҭазаашьа зыҿиаӡом. Атәанчаҩцәа ҩ-нызқьи хәышәҩык инареиҳаны иҳамоуп. Убри аҟынтәи апрограмма азгәаҭаны иҳамоуп ақалақь ахь ауаа ҳархынҳәырц, ара аусура иалагарц, иҟаҵаны ҳалгеижьҭеи мызқәак роуп иҵуа. Уи аҳәынҭқарраҟны ишьҭоуп, ус унадаххыланы иузыҟаҵом. Тҟәарчал инхон 18 нызқьҩык инареиҳаны ауаа. Аурыс милаҭ иреиуоу хәнызқьҩык иреиҳан… 1200 уада инареиҳаны иҳамоуп ақалақь иатәу. Аҳәынҭқарра ирыдаҳгалеит ҷыдала Тҟәарчал ақалақь аҟны ауадақәа, еиҭамҵуа амал Урыстәыла атәылауаа иаархәартә иҟаларц. Иара ауадақәа ус хәыда-ԥсадагьы ираҳҭоит ақалақь иацхраар. Ахәышәтәырҭа мчыбжьқәак рыла аиҭашьақәыргылара иалгоит, иахьазы имаҷуп аус зуа ҳәа иҳамоу ауаа, иаҳҭахуп аҳақьымцәа, арҵаҩцәа… Аспециалист дахьынтәиаалакгьы дҳадаҳкылоит, Аԥсны егьырҭ ақалақьқәа рҟынтәи Тҟәарчал дынхар иҭахызар ҳицхраауеит", - иҳәеит Дочиа.

Шәазыӡырҩы аудио.

Иара убас шәаԥхьар ҟалоит:

Ажәабжьқәа зегьы
0