Микрофон  - Sputnik Аҧсны, 1920
Арадио

Аҟәысба Аԥсны ахьыԥшымра азхаҵара амш азы: ус еиԥш сангәырӷьаз амш сыздырӡом

© Sputnik / Зафас ГамгияАтанур Акусба
Атанур Акусба - Sputnik Аҧсны, 1920, 26.08.2021
Анапаҵаҩра
Ҭырқәтәыла аԥсуа хеидкылақәа рфедерациа ахантәаҩы Аҭанур Аҟәысба арадио Sputnik аефир аҿы игәалаиршәеит Урыстәыла Аԥсны ахьыԥшымра азханаҵеит ҳәа ажәабжь шиаҳаз атәы, насгьы иарбан мҩақәоу ҳтәыла иазаатыз нанҳәамза 26 ашьҭахь.
Аҟәысба Аԥсны Ахьыԥшымра азхаҵара амш азы: ус сангәырӷьа аҽны сыздырӡом
"Ауаҩы ихамшҭуа амшқәа ыҟоуп, ахәыҷы данииуа, аҭаацәара даналало, убарҭ зегьы раҵкыс игәырӷьара дуны ишсыдыскылаз сгәалашәоит саназхәыцлак. Исзааит смс, Аԥсны афедерациақәа рхеилак агәыԥ аҟынтәи, Урыстәыла Аԥсны азхаҵара анаҭеит ахеидкылахь шәааи ҳәа, ус сара сангәырӷьахьоу амш сыздырӡом. Сгәы ҭыԥ-ҭыԥуа, иҟасҵо сзымдыруа, ахәыҷқәа зегьы ааидкыланы, смашьына сақәтәаны Сҭамԥыл амҩадуқәа сырнылеит сбираҟқәа сыманы. Ауха Сҭамԥыл инхо аԥсуаа зегьы амҩақәа ирнын, ауаа иҟалаз рыздыруамызт", - ҳәа иҳәеит Аҟәысба.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.
Иара убас шәазыӡырҩыр ҟалоит:
 
Ажәабжьқәа зегьы
0