Владислав Арӡынба игәалашәаратә хәылԥазы Москва имҩаԥысит

Анапаҵаҩра
"Владислав Арӡынба: аҵарауаҩ, аполитик, ауаҩы" ҳәа хьӡыс иаманы Аԥсны раԥхьатәи ахада 70 шықәса ихыҵра иазку ахәылԥаз Москва имҩаԥган.

АҞӘА, мшԥ 1 – Sputnik, Наала Аҩӡԥҳа. Николаи Некрасов ихьӡ зху Москватәи аҭҵаарадырратә библиотека аҟны  "Владислав Арӡынба: аҵарауаҩ, аполитик, ауаҩы" захьӡу агәалашәаратә хәылԥазы мҩаԥысит. Абри атәы Sputnik акорреспондент илалҳәеит Урыстәыла иҟоу Аԥсны Ацҳаражәҳәарҭа абжьгаҩ Татиана Гәлиа.

"Азал ҭәын. Инаҵшьны иазгәасҭар сҭахуп азал аҟны аԥсуаа рыдагьы Москва ауаажәларгьы шыҟаз. Владислав Григори-иԥа изкны ажәахә ҟаҳҵеит", — лҳәеит Гәлиа.

Ахәылԥаз иалахәын Урыстәыла иҟоу Аԥсны ацҳаражәҳәаҩ Игор Ахба, аԥсуа-абаза жәлар рконгресс ахантәаҩы Тарас Шамба, аҭоурыхтә ҭҵаарақәа рдоктор Иури Анчабадзе, ашәҟәыҩҩы Владимир Делба. Ахәылԥаз аҟны иқәгылоз зегьы Владислав Арӡынба хаҭала дыздыруаз ракәын, дара Владислав идҳәалоу агәалашәарақәеи, иҭҵааратәии иполитикатәи усуреи рзы агәаанагарақәа еизаз ирыцеиҩыршон, ҳәа азгәалҭеит Татиана Делба.

Аиԥылара аиҿкааҩцәеи алахәылацәеи изларҳәо ала, ахәылԥаз ацәанырра ԥхақәа ацны имҩасит.

"Ахәылԥаз ацәанырра ԥхақәа ацын. Ауаа рыгәқәа убасҟак иаадыртит. Сара асасцәа насҭхазгон, зегьы ианцоз ргәырӷьара ҳәаа амамызт", – лцәаныррақәа ҳацеиҩылшеит абиблиотека адиректор Раиса Самсоновна.

Ахәылԥаз хыркәшан адокументалтә фильм "Страсти по Владиславу". арбарала Афильм авторцәа руаӡәк Дмитри Минченок иазгәеиҭеит арежиссер Ольга Дубинскаиа дызлагаз Аԥсны алахьынҵа зыӡбаз ахаҭарақәа ирызку афильмқәа ишрыцҵахо.

Владислав Арӡынба. - Sputnik Аҧсны
2015 шықәса Владислав Арӡынба ихьӡ ахҵоуп

"Владислав – ҭоурыхла Аԥсны аҳәынҭқарра шьақәзыргылоз ԥшьҩык аԥызцәа дыруаӡәкуп, уи иара илахьынҵан, аҵарауаҩ дполитикхеит. Ҳара Ольга Дубинскаиа лхықәкы иацаҳҵоит – Владислав ифырхаҵаратә хаҿра ажәлар рыларҵәароуп, Владислав – дфырхаҵоуп", – иҳәеит Минченок.

Ахәылԥаз "Владислав Арӡынба: аҵарауаҩ, аполитик, ауаҩы" Аԥсны раԥхьатәи Ахада Владислав Арӡынба диижьҭеи 70-шықәса аҵра иазкуп.

Ажәабжьқәа зегьы
0