07:27 18 Жәабран 2019
Ишиашоу ицо аефир
  • USD66.70
  • EUR75.25
Алик Карди оглы

Карди оглы: Аԥсны аспорткомплекс ыҟазароуп

© Sputnik / Томас Тхайцук
Аспорт
Икьаҿу ахьарԥш аиура
8 0 0

Аԥсны апрофессионалтә бокс азы Афедерациа шьаҭаркын жәабран 10 2013 шықәса рзы.

АҞӘА, жәабран 12 – Sputnik. Аԥсны апрофессионалтә бокс иапроблема хаданы иҟоуп азыҟаҵарақәа рзы азалқәа ишахәҭоу еиԥш реиҿымкаареи рыҟамзаареи. Абри атәы радио Sputnik иазеиҭеиҳәеит Аԥсны апрофессионалтә бокс азы Афедерациа апрезидент Альберт Карди оглы.

"Ҳара ҳзы ипроблема хаданы иҟоуп азыҟаҵарақәа рзы азалқәа ишахәҭоу еиԥш реиҿымкаареи рыҟамзаареи. Апрофессионалтә боксиор аҽазыҟаҵара илшоит иахәҭаны иҟоу зегь рыла еиқәыршәо азалқәа рҟны. Аспорткомплекс — ари ҳара ҳгәаҳәара дууоуп", — иҳәеит Карди оглы.

Аҽазыҟаҵаразы азалқәа рыҟамзаара жәларбжьаратәи аиндаҭларақәа рылахәрагьы аруадаҩуеит иҳәеит иара.

Альберт Карди оглы иазгәеиҭеит ауадаҩрақәа жәпакы шыҟоугьы Аԥсны апрофессионалтә бокс азы Афедерациа аусура алҵшәақәа шамоу, аиҳаракгьы 2017 шықәса рзы.

"2017 шықәса зегь раасҭа иҳақәҿиаз шықәсуп. Раԥхьаӡа акәны Пиатигорсктәи апрофессионалтә ринг ахьднеит ҳаԥсуа бираҟ иаҵагыланы еисуаз Саид Смыр. Саид Смыр аиааира игеит, ихьӡҳәараан Аԥсны агимн аҳәон", —иҳәоит Карди оглы.

Карди оглы иара убасгьы далацәажәеит аԥсуа боксиор Баҭал Чежьиа ииааирақәа.

Карди оглы иҳәеит ҳаспортсменцәа риааирақәеи, атурнирқәеи, аисарақәеи ҳҿар абри аспортхкы ишаднаԥхьало.

Ихадоу атемақәа

  • Дырмит Габалыиа

    Аԥсуа сахьаркыратә литература иазааԥсахьоу ашәҟәыҩҩцәа акымкәа-ҩбамкәа ԥсра зқәым аҩымҭақәа нрыжьхьеит. Аха изеиԥшроузеи ашәҟәҩыра иаҵагыло абиԥара ҿыц? Иарбан литературоу урҭ иахьа иаԥырҵо, насгьы ахьысҳара абарныԥшуеи? Абарҭ азҵаарақәа дырзааҭгылеит апоет, ауаажәларратә усзуҩы Дырмит Габалыиа. Аиҿцәажәара мҩаԥигеит Аинар Ҷыҭанаа.

    25
  • Қьамиль Аҭрышба Кавказ Акультуратә дернеқь аҟны

    Ҭырқәтәыла, Ҳендеқь ақалақь аҟны еиҿкаау Кавказ акультуратә Дернеқь есыҽнытәи аусура дазааҭгыло, бжьышықәса раахыс уи еиҳабыс иахагылоу Қьамиль Аҭрышба иаҳзеиҭеиҳәеит хықәкы хадас ишрымоу ахатәы бызшәеи, аҵасқәеи, ақьабзқәеи реиқәырхара.

    458
  • Ал

    Аԥсуа баҳчаҿы зхатә ҭыԥ ылызххьоу алҵла аҭоурых дагәылаԥшны иаҳзеиҭалҳәеит Sputnik аколумнист Сусанна Ҭаниаԥҳа.

    110