Sputnik Аԥсны асаит аҟны ицәырҵит асахьақәа 3D ала иҟаҵоу апонарамақәа

© SputnikПанорама сухумской бухты.
Панорама сухумской бухты. - Sputnik Аҧсны
Анапаҵаҩра
Sputnik Аԥсны асаит аҟны ицәырҵит Аԥсны аҳәынҭқарра асахьақәа 3D ала иҟоу рпонорамақәа.

АҞӘА, рашәара 18 – Sputnik, Асҭанда Арӡынԥҳа. Sputnik Аԥсны амультимедиатә хаб иеиҿнакааит апроект ҿыц. Апортал аҟны ицәырҵит ареспублика асахьақәа 3D ала ишьақәгылоу рпонорамақәа.

Асферикатә панорамақәа – ари аҩны удәылымҵыкәа Аԥсны "анеира" улшартә иҟазҵо лшароуп ҳәа ҳзеиҭеиҳәеит Sputnik Аԥсны амультимедиатә хаб анапхгаҩы Инал Лазба.

Иара иажәақәа рыла 3D понорамақәа злалукаауа – иарбоу аҭыԥ аҟны ауаҩы днеизшәаҵәҟьа ахьибо ауп, арҭ асахьақәа ауаҩы дааизакны аекран аҟны иибо асахьа даланаӡҩоит.

"Sputnik Аԥсны аҭыԥ аҟны игылам, аҿиара иаҿуп, амультимедиатә технологиақәа ахы рыланархәуеит. Апроект ззырхоу апортал аудиториа еиҳа еиӷьны Аԥсны деилыркаароуп, иара аԥшӡарақәа инарҭбааны дырбароуп", — иҳәеит иара.

Лазба иажәақәа рыла, апроект иааҟәымҵӡакәа аҽарҿыцлоит, ес-мчыбжьа апонарама ҿыцқәа хыршьлоит. Ԥхьаҟазы апроект авертуалтә тур анапынҵақәа зегьы рынагӡара алшартә иҟалоит ҳәа азгәеиҭеит Sputnik Аԥсны амультимедиатә хаб анапхгаҩы Инал Лазба.

Асферикатә панорама – апанораматә фотографиа ахкқәа иреиуоуп. Зегь раԥхьа иара акомпиутор аҟны арбароуп иззырхоу. Иара шьаҭаны иамоуп еиуеиԥшым акадыр рацәа асферикатәи мамзаргьы акубтә проекциеи рҟны реизгара. Иаҷыдаҟазшьоуп аҵакыра ақәыԥшылара иахьынӡалшо арҭбаара (360×180 градус).

Ажәабжьқәа зегьы
0