Аԥсни Ҭаҭарсҭани аусеицуразы Аиқәшаҳаҭра рнапы аҵарыҩраны иҟоуп

© Sputnik Бадра АвидзбаАминистрцәа реилазаара аилатәара.
Аминистрцәа реилазаара аилатәара. - Sputnik Аҧсны
Анапаҵаҩра
Аԥсны Аҳәынҭқарра Аминистрцәа Реилазаара ишьақәнарӷәӷәеит Аԥсни Ҭаҭарсҭани рыбжьара ахәаахәҭра-економикатәи, анаука-техникатәи, акультура-гуманитартәи усеицуразы Аиқәшаҳаҭра апроект.

АҞӘА, хәажәкыра 17 — Sputnik, Саид Барганџьиа. Аԥшьаша, хәажәкыра 17 рзы Аԥсны Аҳәынҭқарра Аминистрцәа Реилазаара ишьақәнарӷәӷәеит Аԥсни Ҭаҭарсҭани рыбжьара ахәаахәҭра-економикатәи, анаука-техникатәи, акультура-гуманитартәи усеицуразы Аиқәшаҳаҭра апроект.

Аԥсны Аҳәынҭқарра Аминистрцәа Реилазаара Аппарат анапхгаҩы Диана Ԥлиаԥҳа лажәақәа рыла аиқәшаҳаҭра аусбарҭақәа зегьы еицҿакрыла ирыдыркылеит.

"Апрофильтә усбарҭақәа зегьы ражәалагалақәа ҟаҵаны ахыркәшаратә вариант рыдыркылеит", — лҳәеит Ԥлиаԥҳа.

Аԥыза-министр Артур Амқәаб иазгәеиҭеит Аԥсни Ҭаҭарсҭани реизыҟазаашьақәа аҭоурых ду шрымоу.

Русҭам Минниханов официалтә визитла Аԥсны даҭааит

"Ҭаҭарсҭан аекономикатә ҿиара аганахьала Урыстәыла асубиектқәа инараԥнаго иҟоуп. Аиқәшаҳаҭра ҳаинырра аҿыцрақәа аланагалоит", — иҳәеит иара.

Амқәаб иазгәеиҭеит Аԥсны жәлар реибашьраан Ҭаҭарсҭан ацхыраара ду шыҟанаҵоз.

2015 шықәса жьҭаарамзазы Ареспублика Ҭаҭарсҭан аделегациа Аԥсны иҟан. Аделегациа аилазаара иалахәын Урыстәыла Аҳәынҭқарратә Дума адепутат Фатых Сибагатуллин, аекономика аминистр Артем Здунов, атуризм азы аҳәынҭеилакы ахантәаҩы Сергеи Иванов.

2015 шықәса рзы Аԥсны Ахада Рауль Ҳаџьымба хадас дызмаз Аԥснытәи аделегациа официалтә визитла Ҭаҭарсҭан иаҭаан иҟан. Уи аҭакс аамҭақәак рышьҭахь Аԥсны адкылара иҭан Ареспублика Ҭаҭарсҭан Ахада Минниханов.

Ажәабжьқәа зегьы
0