Гәдоуҭатәи акәытқәа рааӡарҭатә фабрикаҟны напы рыдкыланы, ахшыҩ зышьҭра ду аҭаны ирааӡоит аԥсуа кәытқәа. Афабрика аиҳабы ихаҭыԥуаҩ Игорь Хугаев иажәақәа рыла, акәытқәа рааӡаразы иахәҭоу аҭагылазаашьақәа зегьы рзаԥҵоуп. Амаругақәа зегьы аагоуп Германиантә, аус зуа аусуҩцәа ҭакԥхықәрала иазнеиуеит рус.
"Ҳара ҳусураҿы ихадароу акакәны иҟоуп акәҷарақәа иишаны рбара. Ҳара дара иаагоит Уаԥстәылантә, уахыки-ҽнаки анырхыҵуа. Уи аԥхьа афабрикаҟны еиҿаҳкаауеит рҭыԥ, раԥхьа иргыланы иаҳрыцқьоит, аҵақәа ҟамларазы, рыфатә рыжәтә ҳацклыԥшуеит", — ҳәа иҳәеит Хугаев.
Афабрикахь иаарго акәҷарақәа зегьы ргәабзиара иацклаԥшуеит, иахәҭоу ахәшәқәеи авитаминқәеи рырҭоит.
Аԥсаатә ааӡарҭатә фабрикаҟны аҵакырадгьыл 1200 квадрат ыҟоуп, зқьы кәты рбартә аҭагылазаашьа аԥҵоуп. Ацех зегьы еихшоуп пшь-хәҭакны, ауадақәа рыҟны иаку аҳауа аԥхара ыҟоуп.
