Аҟәа "Князь Владимир" ишаԥылаз

Анапаҵаҩра
Акруизтә лаинер "Князь Владимир" Шәачантәи Аҟәаҟа амҩа иқәлеит ԥхынҷкәын 1 асааҭ 19:00 рзы. Асааҭ 9:40 рзы алаинер абаӷәаза иадҿарҳәалеит.

Алаинер Аҟәатәи абаӷәазахь адгылара иазыԥшын ԥхынҷкәын 2 асааҭ 7:00 рзы, аха амш аҭагылазаашьа иахҟьаны аграфик аҽеиҭанакит. Аӷба абаӷәазахь иааит асааҭ 8:00 рзы.

Иара ааира аламҭалаз абаӷәазаҿ имҩаԥыргон ихымԥадатәиу атехникатә усурақәа. Акоманда Шәача инаркны Аҟәанӡа амҩасреи абаӷәаза аҭалареи рзы иаҭахыз аусқәа зегьы азԥхьагәарҭеит. Асааҭ 9:40 рзы алаинер абаӷәаза иадҿарҳәалеит.

Аԥсны ахада алаинер ахь дхалеит - Sputnik Аҧсны
Аԥсны ахада алаинер ахь дхалеит

Аӷба иаԥыларц азы амшынтә баӷәазаҿ еизеит ақалақь ауааԥсыра.

Аԥсни Урыстәылеи ркурортқәа рыбжьара акруизтә еимадара хацыркхараны иҟоуп 2020 шықәса рзы. Абри азы "Аԥсны амшынӷбаныҟәареи" "Амшынеиқәатә круизқәеи" "Урыстәылатәи аинвестициатә форум - 2019" аҿы аиқәшаҳаҭра рнапы аҵарҩит. Афорум мҩаԥысуан Шәача.

2019 шықәса рзы аусура иалагоит раԥхьатәи агәаҭаратә ныҟәарақәа аӷба "Князь Владимир" ала, иара уажәы Шәача-Новороссиск-Иалта-Севастополь-Шәача амаршрут ала иныҟәоит. Уажәшьҭа Аҟәагь абарҭ ақалақьқәа ирыцлоит.

"Князь Владимир" 600-700 пассаџьыр рҟынӡа рымҩангараз алшара амоуп.

Аҵыхәтәантәи 26 шықәса Аҟәатәи амшынтә баӷәаза иаҭаауаз аидарамҩангага ӷбақәа ракәын.

Иара убас шәаԥхьар ҟалоит:

Ажәабжьқәа зегьы
0