АҞӘА, жьҭаара 5 — Sputnik. 30% рҟынӡа алхыҩцәа алхратә ҭыԥқәа рахь инеиит аԥхьатәи аф-сааҭк рзы иҳәеит Киргизиа Аԥыза-министр актәи ихаҭыԥуаҩ Таиырбек Сарпашев.
Абжьыҭира хацыркын амҽыша, жьҭаара 4, ашьыжь, асааҭ 8 рзы аҭыԥантәи аамҭала. Абжьыҭира ҟалоит ахәылбыҽха асааҭ аабанӡа. Алхрақәа мҩаԥысит ҳәа иазыԥхьаӡоуп заҟаҩ алхыҩцәа рыбжьы рҭииз иахьмырԥшыкәа.
"Асааҭ 14.00 рзы рыбжьы рҭихьан 800 нызқьҩык алхыҩцәа. Абжьыҭира зехьынџьара активла имҩаԥысуеит", — иҳәеит Аԥыза-министр актәи ихаҭыԥуаҩ.
Таиырбек Сарпашев иациҵеит алхырҭа ҭыԥ дуқәа рҟны ишгылоу аппаратура ҷыда – атәылауаа абиометрикатә идентификациа рзуразы. Атехника аус еиԥҟьарада ишауа.
Киргизиатәи апарламент аҟны иҟоу 120 ҭыԥ рзы еиндаҭлоит 14 партиа.
