Аԥснытәи анцәахаҵаҩцәа Иордан аӡыԥшьа рыҽӡааршьит

© Фото : Кама ТрапшПаломники из Абхазии на реке Иордан
Паломники из Абхазии на реке Иордан - Sputnik Аҧсны
Анапаҵаҩра
Аԥснытәи анцәахаҵаҩцәа аҩашазы Иордан аӡыԥшьа рыҽӡааршьит, ҳәа аҭыԥаҟынтәи иаҳзааицҳаит ҳкорреспондент Роберт Џьапуа.

ИЕРУСАЛИМ, 27 – Sputnik, Роберт Џьапуа. Анцәахаҵаҩы Гьаргь Ҳаразиа ари традициа бзианы дахәаԥшуеит. "Аӡаҟны еиуеимилаҭмыз ауаа рҽыркәабон. Зегь ҳгәалаҟазаара оумашәа ишьҭыҵны иҟан", — иҳәеит Ҳаразиа.

Агәыӡератәи ауахәама аиҳабы аиереи Далмаҭ (Гоԥиа) иазгәеиҭеит Иордан аҟны шакәу Иаса Қьырсагьы иҽахьӡааихыз. Ари ахҭыс анцәахаҵаҩцәа зегьы рзы аҵак ду шамоу.

"Иордан аҟны ауп Иаса Қьырсагьы иҽахьӡааихыз. Ари ахҭыс анцәахаҵаҩцәа зегьы рзы аҵак ду амоуп. Нцәахаҵарыла аӡы уҽанӡааушьуа ухьаақәа зегьы ухнагоит", — иҳәеит аиереи Далмаҭ.

Акыр шәышықәсақәа ҵуеит Амшаԥ аԥхьа аҩашазы арахь анцәахаҵаҩцәа аауеижьҭеи.

Аԥснынтәи аныҳәарҭақәа рахь аныҟәаҩцәа Иерусалимҟа амҩа иқәлеит Амшаԥ аламҭалазы амца ԥшьа аҟәырҷаха аагаразы. Абри аидеиа цәырыргеит Рауф Ҳаразиеи Леуан Адлеибеи. Амца анҩеилак ашьҭахь Аԥснытәи аныҳәарҭақәа рахь аныҟәаҩцәа хәҩык Шәачаҟа ачартертә реис ала ихынҳәуеит Амшаԥ аламҭалазы Амца ԥшьа аҟәырҷаха рыманы.

© Фото : Кама ТрапшПаломники из Абхазии в Иерусалиме
Паломники из Абхазии в Иерусалиме - Sputnik Аҧсны
Паломники из Абхазии в Иерусалиме

 

Ажәабжьқәа зегьы
0