Симониан: Аԥсны ФИФА алалара иашоуп ҳәа исыԥхьаӡоит

© Sputnik / Владимир Астапкович / Амедиаҵәахырҭахь аиасраАшьапылампыл азы Аԥсны зҽаԥсазтәыз азыҟаҵаҩ Никита Симониан. Архивтә фото.
Ашьапылампыл азы Аԥсны зҽаԥсазтәыз азыҟаҵаҩ Никита Симониан. Архивтә фото. - Sputnik Аҧсны
Анапаҵаҩра
Ашьапылампыл азы Аԥсны зҽаԥсазтәыз азыҟаҵаҩ Никита Симониан иазиԥхьаӡоит Косово ФИФА ианалала ашьҭахь егьырҭ иазхаҵам аҳәынҭқаррақәагьы ассоциациа иалалартә еиԥш аҭагылазаашьа рымоуп ҳәа.

АҞӘА, рашәарамза 9 — Sputnik. Ашьапылампыл азы Аԥсны зҽаԥсазтәыз азыҟаҵаҩ Никита Симониан иазиԥхьаӡоит Косово ФИФА ианалала ашьҭахь егьырҭ иазхаҵам аҳәынҭқаррақәагьы, Аԥсны, Приднестровие, Аахыҵ Уаԥстәыла реиԥш иҟоу, ассоциациа иалалартәеиԥш аҭагылазаашьа рымоуп ҳәа.

Архивтә фото. - Sputnik Аҧсны
Аексперт: Аԥснытәи акоманда ФИФА алаҵаразы ԥынгыла ыҟам

Уаанӡа Аԥсны Аԥыза-министр Артур Амқәаб ФИФА апрезидент Джанни Инфантино ихьӡала ашәҟәы ишьҭит Аԥсны еизгоу акоманда ФИФА аилазаарахь адкылара азҵаара иахәаԥшырц азы.

"Сара сгәаанагарала Косово рыдыркылазар, Аԥсны, Приднестровие, Аахыҵ Уаԥстәыла реиԥш иҟоу атәылақәа ркомандақәа зрыдрымкыларызеи", — иҳәеит Симониан.

Уаанӡа, Аԥснытәи еизго ашьапылампылтә команда ФИФА алаларазы иарбанызаалак азин аганахьала ԥынгыла ыҟам ҳәа иҳәахьан МГИМО Кавказ апроблемақәеи арегионалтә шәарҭадареи Рцентр аусзуҩ еиҳабы Николаи Силаевгьы.

Ажәабжьқәа зегьы
0