АҞӘА, жәабран 6 — Sputnik. Евроеидгыла иалоу атәылақәа ааԥынразы Урыстәыла атәылауаа шәҩык рҟынӡа рганахь ала асанкциақәа рыҿҳәара инахар ҟалоит ҳәа аанацҳауеит РИА Новости, амаҵзура Блумберг адыррақәа ҵаҵӷәыс иҟаҵаны.
"Арахь иаҵанакуеит Аркади Ротенберг (СМП Банки ИнвестКапиталБанки рыцшьаҭаркҩы), абанк "Россиа" ахатәтәыҩцәа иреиуоу Иури Ковальчук", — ҳәа аҳәоит иҟоу адырраҭараҟны.
Урыстәылеи Мраҭашәаратәи атәылақәеи реизыҟазаашьақәа бааԥсхеит Украина иҟалаз аҭагылазаашьа иахҟьаны. Ԥхынгәымза, 2014 шықәса рзы Евроеидгылеи Еиду Америкатәи аштатқәеи хаз иго ахаҿқәеи аилахәырақәеи инархыҳәҳәаны урыстәылатәи аекономика асекторқәак рганахь алагьы асанкциақәа ирылагеит.
Иара убри аамҭазы Евроеидгыла аӡбарҭа атрибунал иҵаҵӷәыркым ҳәа ахнаҳәааит Ротенберг иганахь ала иҟаҵоу асанкциақәа.
Ротенберг имҩаԥигоз аилаӡарақәа ракәзар, урҭ Украина аҭагылазаашьа аҽаԥсахаанӡа имҩаԥигахьан, Ротенберг аилахәыра "Гипротрансмост" дакционеруп ҳәа ирҳәазгьы шьақәырӷәӷәам. Убри инадҳәаланы Евроеидгыла аӡбарҭа атрибунал иҵаҵӷәыркым ҳәа ахнаҳәааит Ротенберг иганахь ала иҟаҵоу асанкциақәа.
