Апиратцәа ирыҭҟәаз урыстәылатәи амшынуаа рхы иақәиҭтәуп

© AP Photo Farah Abdi Warsameh, FileСомалиитәи апират
Сомалиитәи апират - Sputnik Аҧсны
Анапаҵаҩра
Урыстәылатәи амшынуаа зҭаз аграждантә ӷба нигериатәи апиратцәа ирыҭҟәеит 2017 шықәса жәабранмзазы.

АҞӘА, хәажәкыра 6 — Sputnik. Урыстәылатәи амшынуаа зҭаз аграждантә ӷба нигериатәи апиратцәа ирыҭҟәеит 2017 шықәса жәабранмзазы. Уажәы быжьҩык урыстәылатәи амшынуааи Украина атәылауҩи рхы иақәиҭтәуп.

Дара Франкфурт аҳаир баӷәазаҿ иҟоуп, иаарласны рыҩныҟа, Севастопольҟа ихынҳәраны иҟоуп ҳәа аанацҳауеит РИА Новости.

Нигериатәи апиратцәа амшынуаа рлагер ахь инаргеит. Аӷба "BBC Caribbean" ахатәтәҩи апиратцәеи аиҿцәажәарақәа мҩаԥыргон амшынуаа рхы рақәиҭтәразы. Азинхьчаҩ Павел Буцаи ишиҳәаз ала урҭ аиҿцәажәарақәа алҵшәақәа роуит.

"Быжьҩык урыстәылатәи амшынуааи Украина атәылауҩи рхы иақәиҭтәуп. Дара Франкфурт аҳаир баӷәазаҿ иҟоуп, иаарласны рыҩныҟа, Севастопольҟа ихынҳәраны иҟоуп", — иҳәеит азинхьчаҩ.

Ажәабжьқәа зегьы
0