Алитературазы Нобель ипремиа зауа рыхьӡ ӡыргахоит

© Sputnik / Константин Чалабов / Амедиаҵәахырҭахь аиасраВ хранилище библиотеки. Архивное фото
В хранилище библиотеки. Архивное фото - Sputnik Аҧсны
Анапаҵаҩра
Алитературазы Нобель ипремиа заур алшо ҳәа рыхьӡ ҳәоуп Нгуги ва Тхионго, Харуки Мураками, Маргарет Етвуд.

АҞӘА, жьҭаара 5 — Sputnik. Алитературазы Нобель ипремиа зауа рыхьӡ ӡыргахоит иахьа, жьҭаара 5 рзы, Стокгольм. Абри атәы аанацҳауеит Sputniik Беларусь.

Алитературазы Нобель ихьӡ зху апремиа иналукааша аԥхьахәқәа иреиуоуп алитература адунеи аҟны. Еиуеиԥшымыз аамҭақәа рзы иара ранашьан Орҳан Памук, Томас Манн, Алеқсандр Солженицын, Альбер Камиу уҳәа аӡәырҩы.

2017 шықәсазы алитературатә Нобель ипремиа заур алшо ҳәа рыхьӡ ҳәоуп абукмекерцәа рыбжьара Нгуги ва Тхионго (Кениа), Харуки Мураками (Иапониа), Маргарет Етвуд (Канада).

Абукмекерцәа иара убасгьы рыӡбахә рҳәоит Урсула Ле Гуин, Салман Рушди, Джордж Мартин, аха урҭ ршансқәа акыр илаҟәуп.

Нобель ихьӡ зху апремиа занашьахо ироуеит аԥхьахә — 1,1 миллион доллар, иара убасгьы амедал. Анашьара ацеремониа мҩаԥысуеит ԥхынҷкәынмзазы.

2016 шықәса рзы алитературатә премиа иоуит арок-музыкант Боб Дилан — ипоезиазы. 2015-шықәса рзы раԥхьаӡа акәны Нобель ипремиа ланашьахеит Беларуссиа атәылауаҩ Светлана Алексиевич.

Ажәабжьқәа зегьы
0