АҞӘА, лаҵара 24— Sputnik. Урыстәыла Акультура аминистрреи Ростуризми Booking.com аусура Урыстәыла иахьаҵанакуа аанкылара иаҿагылоит. Абри атәы аанацҳауеит РИА Новости.
Атуризми арегионалтә политикеи рдепартамент адиректор Ольга Иарилова иазгәалҭеит Акультура аминистрра асервис аусура аанкылара азинмчра амам ҳәа.
Иара иагәҭакым Booking.com. аусура аанкыларагьы.
"Аусбарҭа асеиԥш азҵаара ақәыргылара иаҿагылоит", — лҳәеит лара.
АИХқәа рҟны ицәырҵит аинформациа аресурс Booking.com аусура аанкылахар алшоит ҳәа.
Амаҵзура Booking.com асасааирҭақәеи аԥсшьараан анхарҭақәеи автомашьынақәа апрокат ргареи алнаршоит адунеи атәылақәа 228 рҟны.
Нидерландиатәи Booking Holdings америкатәи аилахәыра Priceline Group иатәуп.
