АҞӘА, рашәара 6— Sputnik. Акинофестиваль "Кинотавр" аиндаҭлара "Короткий метр" аҟны Гран-при аиоуит Игор Поплаухин ифильм "Календарь", ҳәа аанацҳауеит РИА Новости.
Акинодырыҩцәеи акинокритикцәеи ргильдиа иазгәарҭеит: Алексеи Харитонов ифильм "Взятка", "ДТП" (Анна Дежурко), "Прощай любимый" (Александр Ципкина, Ксениа Раппопорт).
Ажиури рдиплом лоуит арежиссиор Тамара Дондуреи ("Новая Москва"), аԥхьахә аиуит Дмитри Корсаков ифильм "Рыбный день".
Акинофестиваль "Кинотавр" апрезидент Александр Родниански иазгәеиҭеит 400 усумҭа рҟынтәи 29 усумҭа шалыркааз.
Шәача, рашәара 2-10 рыбжьара имҩаԥысуеит 29-тәи иаарту урыстәылатәи акинофестиваль "Кинотавр".
