Урыстәыла атәанчаҩцәа рышықәс иацырҵар алшоит

Госдума
Госдума - Sputnik Аҧсны
Анапаҵаҩра
Ахолдинг "Ромир" имҩаԥнагаз аҭҵаарақәа ишаадырԥшыз ала атәанчаҩцәа рышықәс аҳаракра иақәшаҳаҭу атәылауаа рхыԥхьаӡара 8-процентк роуп.

АҞӘА, рашәара 14 — Sputnik. Аԥшьаша, рашәара 14 рзы Урыстәыла Аҳәынҭқарратә Думаҿ иахәаԥшраны иҟоуп амшхәаԥштә азҵаара: атәанчахәшәареи атәанчаҩы ишықәс аҳаракреи. Абри атәы аанацҳауеит РИА Новости.

Аҳәынҭқарратә Дума аҟынтәи адыррала азакәан апроект актәи аԥхьарала иалацәажәараны иҟоуп. Аҳәынҭқарратә Дума аиҳабы Виачеслав Володин ишиҳәаз ала цәыббрамзазы, ҭагалантәи асессиаан аҩбатәи аԥхьарахь инашьҭхар ауеит.

Иахьазы аҳәса атәанчара ицоит 55 шықәса анырхыҵлак, ахацәа — 60. Атәанчаратә шықәс аҳаракра азҵаара аӡбахә рҳәоижьҭеи акрааҵуеит.

Агазеҭ "Коммерсант" адыррақәа рыла иара шьҭырхыр ҟалоит ахацәа рзы 65 шықәсанӡа, аҳәса рзы 60 шықәсанӡа.

Ахолдинг "Ромир" имҩаԥнагаз аҭҵаарақәа ишаадырԥшыз ала атәанчаҩцәа рышықәс аҳаракра иақәшаҳаҭу атәылауаа рхыԥхьаӡара 8-процентк роуп.

Ажәабжьқәа зегьы
0