06:37 22 Жьҭаара 2018
Ишиашоу ицо аефир
  • USD65.81
  • EUR75.32
Мобильный телефон

Иӷьычу ателефонқәа аблокировка рзыҟарҵо иалагоит

© Sputnik / Vladimir Pesnya
Адунеиаҿы
Икьаҿу ахьарԥш аиура
18 0 0

Афедерациатә Хеилак аинформациатә уаажәларра арҿиаразы акомиссиа амобилтә хархәагақәа змоу рзы азакәан ҿыц апроект аднакылеит.

АҞӘА, ԥхынгәы 3 – Sputnik. Урыстәыла иазыԥхьагәаҭоуп ателефонқәа иҷыдоу акод (IMEI) ала ахылаԥшра рыҭара. Иара иалшоит ирӷьычыз ателефонқәа аблокировка рзыҟаҵара. Абри атәы аанацҳауеит Ведомости.

Иазыԥхьагәаҭоуп аҭыжьыҩцәа IMEI ареестыр ҷыдаҿы иҭарҩып ҳәа. Иара убри аҩыза ауснагӡатә мҩаԥыргароуп аҳәаанырцәа асмортфонқәа аазхәаз рзгьы.

IMEI абазахь иацуҵар ҟалоит асаит аҟны еиԥш, аимадаратә салонқәа рҿгьы.

Урыстәылатәи аоператорцәа ари абаза рхы иадырхәалоит. Уи ацхыраарала ирӷьычыз асмортфонқәа рҟынтәи адыррақәа аблокировка рзыҟарҵалоит.

Апроект авторцәа ргәаанагарала, ари ателефонқәа рӷьычра еиҵанатәуеит 20% рҟынӡа.

Абри аус аҟны ҿырԥшыганы иааган Ҭырқәтәыла. Ахылаԥшратә система IMEI аусура ианаладырга ашьҭахь атәылаҿ ателефонқәа рӷьычра 95% рыла еиҵахеит.

Апроект ибзиоуп ҳәа ахҳәаауп Афедерациатә Хеилак аҿы, аха асистема аусура анхацыркхо макьаназ ишьақәыргылам.

Ихадоу атемақәа