Еимсбери иҟалаз ахҭыс акыр ирмаӡоуп ҳәа ахырҳәааит Урыстәыла

© Sputnik / Джастин Гриффитс-Уилльямс / Амедиаҵәахырҭахь аиасраСитуация в британском городе Эймсбери
Ситуация в британском городе Эймсбери - Sputnik Аҧсны
Анапаҵаҩра
Лондон иҟоу Урыстәыла Ацҳаражәҳәарҭаҿы иазгәарҭеит Еимсбери иҟалаз ахҭыс акыр ирмаӡоуп ҳәа.

АҞӘА, ԥхынгәы 16 — Sputnik. 2018 шықәса, ԥхынгәы 5 рзы Англиатәи аграфра Уилтшир аполициа, Солсбери ақалақь ааигәара иҟоу Еимсбери аҟны ахәышәтәырҭахь инаган "ишьақәыргылам амаҭәашьар зныруа" ҩыџьа ауааԥсыра. РИА Новости адыррақәа рыла, асабша ахәылбыҽха аполициа адырра роуит аҩнқәа руак аҟны зыхдырра ыҟам ахаҵеи аԥҳәыси шырбаз азы.

Указатель окружной больницы Солсбери - Sputnik Аҧсны
Еимсбери ашҳам зцәа иалалаз ахаҵа ихдырраҿ дааит

Аамҭақәак рышьҭахь британиатәи аполициа арҭ аҩыџьа рцәа иалаз ашҳам Сергеии Иулиеи Скрипальраа рцәа иалаз ашҳам иаҩызоуп ҳәа аҳәамҭа ҟарҵеит.

Лондон иҟоу Урыстәыла Ацҳаражәҳәарҭаҿы иазгәарҭеит Еимсбери иҟалаз ахҭыс акыр ирмаӡоуп, аполитикатә цәа аҟәынҵара иашьҭоуп ҳәа.

Ииасыз амҽышазы Еимсбери ахәышәтәырҭа иҭашәаз ҩыџьа ауаа рҟынтәи аӡәы лыԥсҭазаара далҵит. Британиа атәылахьчара аминистр Гевин Уилиамсон Москва ахара ахареиҵеит иԥсыз аԥҳәыс анерв-паралитикатә шҳам лцәа алалара зыхҟьаз урыстәылатәи амаҵзура ҷыдақәа роуп ҳәа.

Ахәышәтәырҭа иҭашәаз егьи ауаҩԥсы уажәазы ихдырра хынҳәит ҳәа аанацҳауеит РИА Новости.

Иара убри аан аҳақьымцәа ишырҳәо ала, ахаҵа иҭагылазаашьа макьаназ акыр иуашәшәыроуп.

"Аԥхьатәи агәаанагарала ахаҵеи аԥҳәыси ирныруаз агероин ма акокаин роуп ҳәа ишьан. Аха иҟаҵаз анализқәа рышьҭахь иахәаҭны иԥхьаӡан ашҳам ашьақәырӷәӷәара шаҭаху. Имҩаԥгаз аусурақәа рышьҭахь ишьақәҳаргылеит ахаҵеи аԥҳәыси уаанӡа Солсбери ақалақь аҿы ГРУ уаанӡатәи аполковник Сергеи Скрипали иԥҳа Иулиеи ирыҭаз ашҳам "Новичок" рцәа ишалоу", — ҳәа иҳәоит Скотланд-Иард ахада Нил Басу.

Иара убри аан урҭ ари ашҳам рцәа ишалалаз атәы ҳәамызт.

Басу иажәақәа рыла, ашьақәыргылара аҭахны иԥхьаӡан Солсберии Еимсберии рыхҭысқәа аимадара рымоуи ирымами.

Аусҭҵаара напаларкит. Иара иадыԥхьалан 12 ҟәша ҷыда.

Ажәабжьқәа зегьы
0