АҞӘА, абҵара 12– Sputnik. ДЖәР аҿтәи алхрақәа рҿы Донецктәи жәлар республика ахада инапынҵақәа назыгӡо Денис Пушилин аԥыжәара имоуп 60,9% бжьы рыла ҳәа ажурналистцәа ирзеиҭалҳәеит Ацентртә алхратә комиссиа ахантәаҩы Ольга Поздниакова, 97,52% ԥкаанҵа агәаҭара ианахрыжь ашьҭахь ҳәа аанацҳауеит РИА Новости.
"385 алхратә комиссиа иҭырҵааит 97,52% биуллетень. Донецктәи жәлар республика аҿы абыжьқәа абасеиԥш еихшоуп: Евстифеев Роман Николаи-иԥа – 7.8%, Медведев Владимир Анатоли-иԥа – 6,4%, Пушилин Денис Владимир-иԥа – 60,9%, Храменков Роман Александр-иԥа – 14,1%, Шишкина Елена Николаи-иԥҳа – 9,2%", — лҳәеит Поздниакова.
Донецктәии Лугансктәии жәлар рреспубликақәа рҿы амҽыша, абҵара 11 рзы ахадацәеи апарламентқәа рдепутатцәеи ралхра мҩаԥысуан.
