Иԥсҭазаара далҵит ашәҟәыҩҩы Андреи Битов

© Sputnik / Александр Вильф / Амедиаҵәахырҭахь аиасраИԥсҭазаара далҵит ашәҟәыҩҩы Андреи Битов
Иԥсҭазаара далҵит ашәҟәыҩҩы Андреи Битов - Sputnik Аҧсны
Анапаҵаҩра
Москва, иԥсҭазаара далҵит 82 шықәса ирҭагылаз ашәҟәыҩҩы Андреи Битов.

АҞӘА, ԥхынҷкәын 4 – Sputnik. Москва, иԥсҭазаара далҵит 82 шықәса ирҭагылаз ашәҟәыҩҩы Андреи Битов. Абри атәы аанацҳауеит РИА Новости алитературатә критик Галина Иузефович лажәақәа ҵаҵӷәыс иҟаҵаны.

"Абыржәыҵәҟьа Баумантәи ахәышәтәырҭаҟынтә сан аҭел дасуан. Иахьа иԥсҭазаара далҵит Андреи Битов", - ҳәа лыҩуеит Facebook аҿы Галина Иузефович.

Битов — аурыс литератураҿы апостмодернизм ашьаҭаркыҩцәа дреиуоуп. Авторс дрымоуп: ароманқәа "Пушкинский дом", "Человек в пейзаже", "Грузинский альбом".

Ипрозатә еизга "Империя в четырех измерениях" азы 2014 шықәса рзы ианашьан акультура аусхк аҟны Урыстәылатәи Афедерациа аиҳабыра раԥхьахә. 2015 шықәса рзы Битов Платонов иаԥхьахә ианашьан, уи ашьҭахь хышықәса ааҵуаны Аиҩызара аорден иаҭәашьан.

Битов иара убасгьы Урыстәыла асахьаҭыхратә академиа далахәылан.

 

Ажәабжьқәа зегьы
0