Дмитри Медведев атәылаҿ ашәахтә ҭагылазаашьа маншәалоуп ҳәа ахиҳәааит

© Александр Астафьев / Амедиаҵәахырҭахь аиасраПремьер-министр РФ Д. Медведев провел заседание правительства РФ
Премьер-министр РФ Д. Медведев провел заседание правительства РФ - Sputnik Аҧсны
Анапаҵаҩра
Урыстәыла аԥыза-министр Дмитри Медведев атәылаҿ ашәахтә ҭагылазаашьа еиуаеизыршәоуп ҳәа ахиҳәааит, иагьазгәеиҭеит ирыдыркылахьоу аӡбрақәа еиҭакра шырмоуа.

АҞӘА, ԥхынҷкәын 7 — Sputnik. Атәылаҿ ашәахтә ҭагылазаашьа еиуаеизыршәоуп, ирыдыркылахьоу аӡбрақәа еиҭакра роуам ҳәа иҳәеит Урыстәыла аԥыза-министр Дмитри Медведев. Абри атәы аанацҳауеит  РИА Новости.

Иара иажәақәа рыла, ахәԥсацҵаз ашәахтә шьҭыхуп уи ауаа рзы еиҳа анырра маҷны иҟазҵо шәахтәны иахьыҟоу азы.

"Ашәахтәқәа зегьы ныҭкааны ҳрыхәаԥшит. Ахәԥсацҵаз ашәахтә аҟны ҳаангылеит. Ари аӡбра атәыла, аекономика, анаплакқәа иара атәылауаа рзы еиҳа анырра маҷны иҟазҵо акәны иҟоуп. Убри азоуп сара иахьазы иҟоу ашәахтә ҭагылазаашьа абаланстә ҟазшьа аманы изызбо. Ари аӡбра акраҵанакуаны иҟоуп зегь рзы. Уи адагьы иазгәасҭар сҭахуп ҳаӡбра аиҭакра шҳагәҭакым. Сгәы иаанагоит иара ԥхьаҟазгьы аҿиара иашьагәыҭхап ҳәа", — иҳәоит Медведев урыстәылатәи ателеканалқәа аинтервиу рыҭо.

Урыстәыла, ахәԥсацҵазы ашәахтә 2019 шықәса, ажьырныҳәамза 1 инаркны 18% аҟынтәи 20% рҟынӡа ихалоит.

Ажәабжьқәа зегьы
0