Китаи ишьақәдырӷәӷәеит агенетикатә модификациа змоу ахәыҷқәа шиыз

CC0 / / Компьютерная модель ДНК
Компьютерная модель ДНК - Sputnik Аҧсны
Анапаҵаҩра
Китаи амаҵзура ҷыдақәа рыҭҵаарақәа рышьҭахь ишьақәыргылан атәыла азакәанқәа жәпакы еилаганы аҵарауаа ишаԥырҵаз агенетикатә модификациа змоу ахәыҷқәа.

АҞӘА, ажьырныҳәа 22 – Sputnik. Китаи ишьақәдырӷәӷәеит ДНК ԥсахны, агенетикатә модификациа змоу ахәыҷқәа шиз, аҵарауаҩ Хе Цзианькуиа имҩаԥигоз аексперимент иалҵшәаны. Абри атәы аанацҳауеит РИА Новости, амаҵзура Xinhua адыррақәа ҵаҵӷәыс иганы.

"Аҵарауаа еиҿыркааит апроекттә гәыԥ аҳәаанырцәтәи аперсонал алархәны. Дара рхы иадырхәеит ашәарҭара зҵоу атехнологиа ауаҩытәыҩса иембрион агенқәа аредакциа рзура алзыршо. Ауснагӡатә азакәаншьаҭа амам", - ҳәа еиҭарҳәоит аусҭҵааҩцәа.

Уи адагьы аҵарауаа ҩышықәса рыҩныҵҟа аетикатә експертиза алкаақәа дырԥаршеиуан, рексперемент иаладырхәуаз рҟынтәи ҩыџьа аҳәса рцәа ртәымкәа иҟалеит.

Аексперемент иалҵшәаны иит ҩыџьа ахәыҷқәа, Лулуи Нанеи. Аҽа ԥҳәыск макьаназ ахшара дылмоуц. Амедикцәа лара хылаԥшра лырҭоит.

2018 шықәса абҵарамзазы китаитәи аҵарауаҩ Хе Цзианькуи адунеитә уаажәларра ирылеиҳәеит ДНК ԥсах змоу ахәыҷқәа иит ҳәа. Аҵарауаҩ иколлегацәа акритика изыруит, агәабзиарахьчара аусқәа рзы КЖәР аҳәынҭқарратә еилакы аусҭҵаара хацнаркит.

Китаи аҭҵаарадырреи атехнологиеи рзы аминистр ихаҭыԥуаҩ Сиуи Наньпин аусурақәа зегь аанкылахарц адҵа ҟаиҵеит.

Ажәабжьқәа зегьы
0