ЕАШ: амҵәыжәҩа змоу аракетақәа Европа рыргылара ҳгәы иҭаӡам

© Фото : Andre HunterФлаг США
Флаг США - Sputnik Аҧсны
Анапаҵаҩра
Вашингтон Европатәи аҵакыраҿы иарбанызаалак амҵәыжәҩа змоу аракетақәа рықәыргылара апланқәа ирыланы иҟам ҳәа аҳәамҭа ҟарҵеит ЕАШ аҳәынҭдепартамент аҿы.

АҞӘА, жәабран 8 – Sputnik. Вашингтон Европатәи аҵакыраҿы иарбанызаалак амҵәыжәҩа змоу аракетақәа рықәыргылара апланқәа ирыланы иҟам ҳәа азгәеиҭеит абџьар ахылаԥшразы ЕАШ аҳәынҭмаӡаныҟәгаҩ ихаҭыԥуаҩ Андреа Томпсон.

IV Международный военно-технический форум Армия-2018. День третий - Sputnik Аҧсны
Америкатәи АИХ: Урыстәыла иалшоит ЕАШ арбџьар мчқәа рҿагылара

"Усеиԥштәи ашьаҿақәа рыҟаҵаразы аилацәажәарақәа мҩаԥгатәуп. Пентагон аԥшьгара ахахьы иганы урҭ ашьаҿақәа ҳәаақәнаҵоит", - ҳәа Томпсон  иажәаәқа еиҭанаҳәоит RT.

ЕАШ ахада Дональд Трамп уаанӡа аҳәамҭа ҟаиҵахьан Вашингтон жәабран 2 инаркны Урыстәылеи иареи рыбжьаратәи аиқәшаҳаҭра аанкыланы ДРСМД аиқәшаҳаҭра ишалҵуазы. Америка аҳәынҭмаӡаныҟәгаҩ Маик Помпео уи аганахь ала аҳәамҭа ҟаиҵеит "Урыстәыла фымз рыҩныҵҟа аиқәшаҳаҭра инагӡаны ақәныҟәара иазыхнымҳәыр" аиқәшаҳаҭра шыԥдырго азы.

Урыстәыла ахада Владимир Путин жәабран 2 рзы аҳәамҭа ҟаиҵеит, Москва ЕАШ имҩаԥнаго аусқәа рҭак саркьаҵас, иара убасҵәҟьа ахы шымҩаԥнаго.

Ажәабжьқәа зегьы
0