09:30 18 Нанҳәа 2019
Ишиашоу ицо аефир
  • USD66.00
  • EUR73.22
Венесуела

Венесуела ООН Ашәарҭадаратә хеилак арезолиуциа Урыстәыла апроект иадгылеит

© REUTERS / ANDRES MARTINEZ CASARES
Адунеиаҿы
Икьаҿу ахьарԥш аиура
50 0 0

Венесуела аганахьала ООН Ашәарҭадаратә хеилак арезолиуциа Урыстәыла апроект абжьыҭирахь ианнагахо еилкаахоит егьырҭ атәылақәа рпроектқәа ианрылацәажәалак ашьҭахь.

АҞӘА, жәабран 13 – Sputnik. Венесуела аганахьала Еиду Амилаҭқәа Реиҿкаара (ООН) Ашәарҭадаратә хеилак арезолиуциа Урыстәыла апроект аҭагылазаашьа аҭышәныртәалара иазырхоуп ҳәа азырыԥхьаӡоит Венесуела Адәныҟатәи аусқәа рминистрраҟны.

Венесуела Адәныҟатәи аусқәа рминистрра ақәыӡбоит Боливариантәи Ареспублика ампыҵыхаларазы ЕАШ имҩаԥнаго аҽазышәарақәа ҳәа аанацҳауеит РИА Новости.

Венесуела Адәныҟатәи аусқәа рминистр Хорхе Арреас иажәақәа рыла, асеиԥш иҟоу аҽазышәарақәа атәылаҿ аҳәынҭқарратә мчра аиҭакра аҽазырхиаразоуп изымҩаԥырго.

Венесуела аганахьала Еиду Амилаҭқәа Реиҿкаара Ашәарҭадаратә хеилак арезолиуциаз Москва апроект абжьыҭирахь ианнагахо еилкаахоит егьырҭ атәылақәа рпроектқәа ианрылацәажәалак ашьҭахь.

Венесуела ажьырныҳәа 21 рзы Николас Мадуро иҿагылоз акциақәа ирылагеит. Аоппозициатә парламент аиҳабы Хуан Гуаидо ажьырныҳәа 23 рзы аҳәынҭқарра ахада ҳәа ихы рылеиҳәеит.

Урыстәыла Мадуро ишидгыло атәы рҳәеит.

Иахьазы ЕАШ, Бразилиа, Канада, Аргентина, Чили, Колумбиа, Коста-Рика, Гватемала, Гондурас, Панама, Парагваи, Перу, Қырҭтәыла, Албаниа Гуаидо адгылара ирҭоит.

 

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    170
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    56