18:47 22 Ԥхынгәы 2019
Ишиашоу ицо аефир
  • USD62.98
  • EUR70.65
Маик Помпео

Маик Помпео: Урыстәыла НАТО еиҟәнашар аҭахуп

© AFP 2019 / JOHN THYS
Адунеиаҿы
Икьаҿу ахьарԥш аиура
51 0 0

ЕАА рҳәынҭқарратә маӡаныҟәгаҩ Маик Помпео НАТО мрагылараҿ аҽзарҭбаауа Урыстәыла иаанарԥшуа ашәарҭароуп изыхҟьо ҳәа азгәеиҭеит.

АҞӘА, жәабран 14 – Sputnik. ЕАА рҳәынҭқарратә маӡаныҟәгаҩ Маик Помпео польшатәи ақалақь Бемово аҟны америкатәи асолдаҭцәа рҿаԥхьа дықәгыло иҳәеит Урыстәыла НАТО еиҟәнашар аҭахуп ҳәа.

"Владимир Путин ҳаидгыла аиҟәшара иҭахуп. Уи ус шакәу ҿырԥштәыс иҟоуп Қырҭтәылеи Украинеи. НАТО мрагылараҿ аҽзарҭбаауа Урыстәыла иаанарԥшуа ашәарҭароуп изыхҟьо", - ҳәа азгәеиҭеит иара. Абри атәы аанацҳауеит РИА Новости.

Помпео иахьатәи аамҭа Аибашьра хьшәашәа аамҭа иаҿирԥшит.

"Усҟан ҳара асовет агрессиа ҳацәшәон. Иахьа Урыстәыла ҳацәшәоит", - иҳәеит иара.

Жәабран 12 рзы Венгриа Адәныҟатәи аусқәа рминистр Петер Сиартои иареи еицымҩаԥыргаз апресс-конференциаҿы Помпео иҳәеит НАТО алахәылацәа рыбжьара аиҟәшара ҟамлароуп ҳәа.

Ихадоу атемақәа