АҞӘА, хәажәкыра 6 - Sputnik. Урыстәылеи Шьамтәылеи русбарҭабжьаратә координациатә штабқәа аҳәамҭа еицыҟарҵеит ЕАА алагер "Рукбан" аҟынтәи агуманитартә операциа ԥнарҟәҟәааит ҳәа. Абри атәы аанацҳауеит РИА Новости.
Урыстәылеи Шьамтәылеи русбарҭабжьаратә координациатә штаб аҳәамҭа ҟанаҵеит:
"Еиду Америкатә аштатқәа Ет-Танф шьамтәылатәи ахәҭаҿынтә ахҵәацәа ралҵра иаԥырхагахеит дара хылаԥшра зырҭо 55 километратәи азонаҿы ахҵәацәа ршәарҭадара аиҿкаара рхахьы иахьырымгаз азы. Ажәакала дара алагер "Рукбан" аҟынтәи шьамтәылатәи атәылауаа реиқәырхараз имҩаԥгаз агуманитартә операциа анагӡара аԥдырҟәҟәааит", - ҳәа.
Иара убасгьы иазгәаҭоуп аҳәамҭаҿ ЕАА иҟалаз аҭагылазаашьа Шьамтәылеи Урыстәылеи ирықәнажьырц аҽазнашәоит ҳәа.
Урыстәылеи Шьамтәылеи Америкахь ааԥхьара ҟарҵеит "Рукбан" иҭахаз ауааԥсыра рыԥсҭазаара ашәарҭара иҭамыргылакәа абри аҭыԥ ралҵара алдыршарц.
Уаанӡа Урыстәыла атәылахьчара анапхгара Амилаҭтә центр аиҳабы аинрал-полковник Михаил Мизинцев аҳәамҭа ҟаиҵеит Шьамтәыла аиҳабыра Урыстәыла адгыларала агуманитартә коридорқәа ҩба раартра рыгәҭакуп ахҵәацәа рлагер "Рукбан" аҟынтәи ауаа рымҩаԥгаразы ҳәа.
"Шьамтәыла аҭыԥч ԥсҭазаара ашьақәыргылара атәыла аиҳабыра русура иахьыԥшымкәа ауадаҩрақәа ацуп Алагер "Рукбан" аҿы аҭагылазаашьа уадаҩуп. Уа иҟоу ауааԥсыра ацәгьоуратә еиҿкаарақәа рнапаҵаҟа иаанхеит. Аԥсреи абзареи ирыбжьагылоуп. Абри азы аинформациа шьақәирӷәӷәоит ахҵәацәа рзы ООН иреиҳаӡоу акомиссар иофициалтә хаҭарнак Андреи Махечич", - ҳәа иҳәоит иара.
Алагер аҿы зыда ԥсыхәа ыҟам амедицинатә маҵзураҵәҟьа роуам. Ахәыҷқәа, абыргцәа, аҳәса иарбанызаалак дгылара рымам. Аҵыхәтәантәи амзазы ааҩык ахәыҷқәа рыԥсҭазаара иалҵхьеит.
