10:38 24 Хәажәкыра 2019
Ишиашоу ицо аефир
  • USD63.77
  • EUR72.59
Brexit

Британиатәи Апарламент аҽазныкгьы Brexit азы аиқәшаҳаҭра мап ацәнакит

© REUTERS / Francois Lenoir
Адунеиаҿы
Икьаҿу ахьарԥш аиура
7 0 0

Ажьырныҳәамзазы апарламент аиҳабыра ирыдыргалаз адокумент бжьеиҳала мап ацәыркхьан, ирландиатәи аҳәаа аганахь ала аԥсахрақәа аларгаларц.

АҞӘА, хәажәкыра 13 - Sputnik. Британиатәи Апарламент аҩашаҽны аҽазныкгьы Brexit азы Евроеидгылеи дареи рыбжьаратәи аиқәшаҳаҭра мап ацәнакит ҳәа аанацҳауеит РИА Новости.

Аиқәшаҳаҭра иаҿагыланы рыбжьы рҭиит 391, адгылара арҭеит - 242 парламентари.

Ажьырныҳәамзазы апарламент аиҳабыра ирыдыргалаз адокумент бжьеиҳала мап ацәыркхьан, ирландиатәи аҳәаа аганахь ала аԥсахрақәа аларгаларц. Ашәахьаҽны Британиа аԥыза-министр Тереза Меии Еврокомиссиа ахада Жан-Клод Иункери аҳәамҭа ҟарҵеит аиқәшаҳаҭра аԥсахрақәа шаларгалаз азы, аха Британиа апрокурор хада Џьеффри Кокс арҭ аԥсахрақәа рзиншьаҭа азхом ҳәа иазиԥхьаӡеит.

Меи аҳәамҭа ҟалҵеит аиқәшаҳаҭра мап ацәкхар, ахашаҽны Еврокомиссиа ақәшаҳаҭрада хәажәкыра 29 рзы апарламентарицәа атәыла Евроеидгыла ишалҵуазы рыбжьы рҭиуеит ҳәа.

Ихадоу атемақәа

  • Асахьаҭыхаҩ Леуарса Быҭәба иусумҭа Мифы и Легенды Абхазии.

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҿызыԥсахыз изы "иаџьал ааима?!", "иаџьал иҟәаҟә иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    2
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    153