09:49 18 Нанҳәа 2019
Ишиашоу ицо аефир
  • USD66.00
  • EUR73.22
Аахыҵ Уаԥстәыла ахада Анатоли Бибилов

Бибилов: Аахыҵ Уаԥстәыла Урыстәыла иадлароуп Ҟрым аиԥш

© Sputnik / Алексей Дружинин
Адунеиаҿы
Икьаҿу ахьарԥш аиура
43 0 0

Ҟрыми Урыстәылеи реидылара ҭоурыхҵакыла ииашан, азакәаншьаҭа аман ҳәа иҳәеит Аахыҵ Уаԥстәыла ахада Анатоли Бибилов.

АҞӘА, мшаԥы 18 - Sputnik. Аахыҵ Уаԥстәыла Урыстәыла иадлароуп Ҟрым аиԥш, уи амҩа ианысроуп ҳәа иҳәеит Иалта имҩаԥысуа жәларбжьаратәи аекономикатә форум аҿы Аахыҵ Уаԥстәыла ахада Анатоли Бибилов.

"Аахыҵ Уаԥстәыла ажәлар Ҟрым иеигәырӷьоит, еигәырӷьоит ахьышьҭрахь иахьыгьыжьыз. Аахыҵ Уаԥстәыла 1990-шықәса раахыс, Асовет Еидгыла анеилаҳа ашьҭахь иалшо зегь ҟанаҵоит Урыстәыла аилазаара иалаларц. Ибзианы еилаҳкаауеит ауаԥс жәлар еиҟәшаны ишыҟоу. Сгәы иаанагоит Ҟрым илнахыз амҩа ҳаргьы ҳанысраны ҳаҟоуп ҳәа", - абас Бибилов иажәақәа еиҭанаҳәоит Sputnik Южная Осетия.

Ҟрыми Урыстәылеи реидылара ҭоурыхҵакыла ииашан, азакәаншьаҭа аман, иарбанызаалак санкциак уи аԥсахра алшараны иҟам ҳәа иҳәеит Аахыҵ Уаԥстәыла ахада Анатоли Бибилов.

Иалта имҩаԥысуа жәларбжьаратәи аекономикатә форум Аԥсны Аҳәынҭқарра ахьӡала иалахәхараны иҟоуп Аԥсны аекономика министр Адгәыр Арӡынбеи Аԥсны адәныҟатәи аусқәа рминистр Даур Ақаҩбеи. Афорум мҩаԥгахоит мшаԥы 18-20 рзы.

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    171
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    57