Путин Никита Симониан Урыстәыла абаҩрҵәыра зҽаԥсазтәыз аусзуҩ ҳәа ахьӡ ихиҵеит

© Sputnik / Алексей Никольский / Амедиаҵәахырҭахь аиасраНикита Симониан
Никита Симониан - Sputnik Аҧсны
Анапаҵаҩра
Урыстәыла ахада Владимир Путин аҳәынҭқарратә ҳамҭақәа ранеишьеит 30-ҩык инарзынаԥшуа аҭҵаарадырра аусзуҩцәа, аполитикцәа, аспорт азҟазацәа.

АҞӘА, лаҵара 24 - Sputnik. Урыстәыла ахада Владимир Путин ашьапылампыл азы Урыстәыла аидгыла ахада ихаҭыԥуаҩ Никита Симониан Урыстәыла абаҩрҵәыра зҽаԥсазтәыз аусзуҩ ҳәа ахьӡ ихиҵеит ҳәа аанацҳауеит РИА Новости.

RT, МИА "Россия сегодня" аредактор хада Маргарита Симониани асахьаҭыхыҩ Сергеи Андриакеи иранашьан Александр Невски иорден.

Рауль Ҳаџьымбеи Никита Симониани еиԥылеит - Sputnik Аҧсны
Рауль Ҳаџьымбеи Никита Симониани еиԥылеит

Афедерациа Ахеилак аиҳабы Валентина Матвиенко иланашьан Андреи Аԥхьанаԥхьа иорден, МГУ аректор Виктор Садовничи ианашьан "Аԥсадгьыл аҿаԥхьа илшамҭақәа рзы" аорден I аҩаӡара.

""Аԥсадгьыл аҿаԥхьа алшамҭақәа рзы" аорден III аҩаӡара ранашьан: асатирик Михаил Жванецки, Казан ақалақь ахада Ильсур Метшин, адизаинер Валентин Иудашкин. "Аԥсадгьыл аҿаԥхьа алшамҭақәа рзы" аорден IV аҩаӡара ранашьан: актер Сергеи Маковецки, акосмонавтцәа Олег Новицкии Андреи Борисенкои.

Владимир Путин аҳәынҭқарратә ҳамҭақәа ранашьара ацеремониаан изанашьаз зегьы "иаку акоманда" ҳәа рзиҳәеит.

Аҳамҭақәа ранашьан: ашәаҳәаҩ Лариса Долина, абалет акәашаҩ Николаи Цискариӡе, актер Сергей Маковецки, ФИФА аиҳабы Џьованни Инфантино.

Никита Симониан диит жьҭаара 12, 1926 шықәсазы. СССР Зҽаԥсазтәыз аспорт азҟаза, зҽаԥсазтәыз азыҟаҵаҩ ҳәа аҳаҭыртә хьыӡқәа ихҵоуп. Москватәи акомандақәа "Крылья Советов", "Спартак" рыҟны дыхәмаруан. Изныкымкәа СССР дачемпионхахьеит, СССР Ахраҿа даԥсахахьеит.

Никита Симониан Аԥсны 16 шықәса инарзынаԥшуа дынхон. Далан аҟәатәи "Динамо". Ара иааирԥшыз абаҩхатәра иабзоураноуп москватәи "Крылья Советов" ахь ааԥхьара злаиоузгьы.

 

Ажәабжьқәа зегьы
0