АҞӘА, жәабран 28 - Sputnik. Агәҭаӡыӡааратә ҟазшьа аиуреи ауҭраҭых иахьынӡахәҭоу афареи шеимадоу азгәарҭеит аҵарауаа. Аҭҵаарақәа реихшьаалақәа кьыԥхьын International Journal of Environmental Research and Public Health аҿы
Аҵарауаа ишьақәдыргылеит ауҭраҭых зыфара-зыжәра иалам ауаа рыбжьара 24% агәҭаӡыӡааратә ҟазшьа еиҳауп ҳәа. Убри аан ари афактор иҵегьы ишьҭыҵуеит ауаҩы ицәеижь аҿы ашша рацәазар. Ари арбага 36% еиҳазар ашәарҭара 70% рҟынӡа ихалоит.
Ишәарҭаратә факторны иршьоит иара убасгьы аӡәзаара. Зхала инхо ауаа рҟны ашәарҭаратә рбага 13,9% иҟоуп.
Аҭҵаарақәа раан аус рыдулан 45-65 шықәса зхыҵуа 27000-ҩык ауааԥсыра рзы аинформациа. Дара 2010-2015 шықәса раан абыргра аҭҵааразы канадатәи апроект иалахәын.
