22:20 22 Жьҭаара 2017
Аҟәа+ 14°C
Ишиашоу ицо аефир
Аԥсныи Урыстәылеи Жәларқәа рартистка Хьыбла Гьерзмаа

Хьыбла Гьерзмаа лашәақәа зну адискқәа Метраполитен-опера иӡыргахоит

Официальный сайт Хиблы Герзмава
Аԥсны
Икьаҿу ахьарԥш аиура
11 0 0

Америкатәи амузыка абзиабаҩцәа Хьыбла Гьерзмаа лашәақәа зну акомпакт-дискқәеи авинилтә пластинкақәеи роур рылшоит. Ари Метрополитен-опeра имҩаԥысуа аурыс дискқәа раԥхьаӡатәи рӡыргароуп.

АҞӘА, жьҭ 19 – Sputnik. Аԥсныи Урыстәылеи жәларқәа рартистка, Станисловскии Немирович-Данченкои рыхьӡ зхыу Москватәи академиатә музыкатә театр апримадонна Хьыбла Гьерзмаа лашәақәа зну адискқәа рӡыргареи автограф-сессиеи мҩаԥысуеит аҩаша Ньиу-иоркттәи атеатр Метрополитен-опера амузыкатә дәқьан аҟны.

Автограф-сессиеи адискқәа рӡыргареи аҩаша 15:00 рзы имҩаԥысуеит.

Америкатәи амузыка абзиабаҩцәа ироур рылшоит акомпакт-дискқәа "Авокалтә циклқәеи аурыс композитрцәа рромансқәеи", "Хьыбла Герзмаа, сопрано" иара убас лыбжьы зну авинилтә-пластинкақәа, 2014 шықәсазы афирма "Мелодиа" иҭнажьыз.

Уи адагьы, "Мелодиа" апресс-маҵзура аҟны иадырбеит  ари ашықәс ажьырныҳәамзазы Гьерзмаа аопера Оффенбах " Гофман илакәқәа" Метрополитен-опера аҟны Антониа лпартиа шыналыгӡо.

Аԥснsи Урыстәылеи Жәлар рартистка Хьыбла Гьерзмаа Москватәи Аҳәынҭқарратә консерваториа авокалтә факультет далгеит, нас аспирантура. 1995 шықәса инаркны – Станиславскии Немирович-Данченкои рыхьӡ зху амузыкатә театр солисткас дыҟоуп, уаҟа ихадароу сопрано апартиақәа налыгӡоит. Гьерзмаа асцена илыцықәгылоит аурыси аҳәаанырцәтәи амузыкантцәеи адирижиорцәеи, адунеи зегь аҟны аконцерттә программақәа лымоуп.

Ажьырныҳәа 2015 шықәсазы Хьыбла Гmерзмаа аорден "Ахьӡ аԥша" I-тәи аҩаӡара ланашьан.

Ихадоу атемақәа