23:44 20 Ажьырныҳәа 2018
Ишиашоу ицо аефир
Министр культуры Эльвира Арсалия.

Арсалиаԥҳа: Ҟарачы-Черқьесскҟа ҳныҟәара алҵшәа бзиақәа рыман

© Sputnik Томас Тхайцук
Аԥсны
Икьаҿу ахьарԥш аиура
11 0 0

Аԥсны Ашәарҭадаратә хеилак амаӡаныҟәгаҩ Муҳамед Кьылба хадас дызмаз Аԥснытәи аделегациа Ҟарачы-Черқьесск официалтә визитла иҟан.

АҞӘА, жәабран 29 – Sputnik, Бадраҟ Аҩӡба. Аԥсны Ашәарҭадаратә хеилак амаӡаныҟәгаҩ Муҳамед Кьылба хадас дызмаз Аԥснытәи аделегациа Ҟарачы-Черқьесск официалтә визитла иҟан. Авизит даара алҵшәа бзиақәа аманы иҟан ҳәа ҳалҳәеит Аԥсны акультуреи аҭоурых-культуратә ҭынха ахьчареи рминистр Ельвира Арсалиаԥҳа.

"Ҳара ҳидикылеит атәыла аиҳабыра рнапхгаҩы Руслан Казаноков. Уи ашьҭахь имҩаԥган акультура аминистри, Аԥыза-министри рԥылара. Ҳаҭаан иаабеит акартинатә галереиа. Ҳара дҳацын ареспублика ахадагьы", — лҳәеит лара.

Аминистр лажәақәа рыла авизит аан иалацәажәан ареспубликақәа рыбжьара сынтәа имҩаԥысраны иҟоу ауснагӡатәқәа рыплан.

"Аԥхын ҳара имҩаԥаагараны ҳаҟоуп Ҟарачы-Черқьесск амшқәа, Аԥсны амшқәагьы мҩаԥысраны иҟоуп Ҟарачы-Черқьесск", — лҳәеит Арсалиаԥҳа.

Лара илҳәеит иара убасгьы ареспубликақәа рыҩбагь ишыргәиҭоу арҿиаратә коллективқәа реимдара.

Иара убасгьы иаарласны Ҟарачы-Черқьесск имҩаԥысраны иҟоуп аԥсуа сахьаҭыхыҩцәа рцәыргақәҵа.

Аԥснытәи аделегациа иалахәын Аԥсны акультуреи аҭоурых-культуратә ҭынха ахьчареи рминистр Ельвира Арсалиаԥҳа, Аԥсны Ашәарҭадаратә хеилак амаӡаныҟәгаҩ Муҳамед Кьылба, атәыла Ахада иабжьагаҩ Владимир Занҭариа, аҿартә политиказы Аҳәынҭеилакы ахантәаҩы Алиас Аҩӡба.

Ихадоу атемақәа