Аӡҩыбжьатәи акырпыжә ҩеижьқәа

© Sputnik / Томас ТхайцукСбор арбузов в селе Адзюбжа
Сбор арбузов в селе Адзюбжа - Sputnik Аҧсны
Анапаҵаҩра
Аԥсны уажәы дарбанызаалак еишәа иагым ахаара рацәа змоу акырпыжә. Абри аамҭазы Очамчыра араион Аӡҩыбжьа ақыҭан акырпыжә еизгара иасакьаҳәымҭоуп.

Анжелика Бениаԥҳа, Sputnik

– Ари акырпыжә ҩеижь агәаӷь амаӡам. Акоратин рацәаны иалоуп – иҳәеит сылаԥш ахьхаз збаз афермер.

Уи акәзаап иҟоу. Акоратин! Сара акырпыжә ҟамлацт, излеифозеи ҳәа сихәаԥшуан. Сак аасдыркит. Рацәак даара бзиа ишызымбогьы, агьама збап ҟасҵеит.

Гьама ҷыдак аман. Аманго, алимон, аҟаб еилаҵаны иуфошәа иҟан. Игәаӷьдоуп.

Сынтәа експериментк аҳасабала иааҳрыхит, иҳәеит агроном хада Иури Бороненко.

"Асорт даара ибзиоуп. Иҳамоуп аголландиатә селекциа иаҵанакуа асортқәагьы. Ашьынкақәагьы еиуеиԥшым ахкқәа ааҳрыхит. Еиӷьу еицәоу алаҳхуеит. Ҳагхақәа ҳаԥхьаҟа иҳарҽеиуеит", — иҳәоит Бороненко.

Агроном иазгәеиҭоит аӡҩыбжьатәи акырпыжәқәа раарыхраан ахимиа маҷӡаны рхы ишадырхәо.

"Напыла еиҭаҳҳаит, иаҳрашәеит. Зекологиа цқьоу аалыҵ ҳаур ҳҭахын. Ахимиа маҷӡаны ҳхы иаҳархәеит", — иҳәоит агроном.

Иара иажәақәа рыла Аӡҩыбжьа адгьыл еиуеиԥшым. Рацәакгьы ибеиам.

© Sputnik / Томас ТхайцукЖелтый арбуз.
Желтый арбуз. - Sputnik Аҧсны
Желтый арбуз.

"Џьара-џьара аканалқәа алаадеит, адәы аӡы ықәымларц. Адгьыл азот, акали, афосфар уҳәа, уаҟа алагалақәа аҭахуп. Иҟаҳҵоз иашан ишыҟаҳҵоз аалыҵ иаҳнарбеит", ҳәа азгәеиҭеит Бороненко.

Алҵшәа убартә иҟаҵәҟьоуп. Аҭыԥантәи ауааи аԥсшьара ҳәа иаази даара иргәаԥханы иаархәоит.

Акырпыжә аарыхра уадаҩуп. Ирацәоуп иацу ачымазарақәа, ахәаҷа-маҷақәа.

Аизгарагьы иара убас. Даара амаршә кны иҿахуҵәароуп.

Афотосахьақәа шәрыхәаԥшыр ҟалоит абра

Еизыргоит ишыҟалаз еиԥш. Иҟалоу иҟаламу убар ауеит аԥшшәала, ацәа акьакьарала, ахәҵәы аҭагылазаашьа ала.

"Аҭыԥантәи ауааԥсыреи ҳареи ҩ-напыкла аус еицаауеит. Шықәсыбжак ала иҟаҳҵаз маҷым. Алҵшәагьы ҳамоуп. Аԥсуаа аус рыцура маншәалоуп. Згәы аарту уаауп. Ҳабжьагарақәа ирхыԥом. Аус руеит", — иҳәоит Бороненко.

Аԥсны даара бзиа ирбоит асорт "Бомба". Идууп, ихаауп ҳәа ациҵоит Бороненко аус ицызуа илахәыла Зураб Кокаиа.

Иара иажәақәа рыла 40 гектар рҟынтәи 200 тонна рҟынӡа аҽаҩра ҭаргалеит.

Аӡҩыбжьатәи акырпыжәқәа изааӡаз ргәы шышьҭырхуагьы аҳәаа ахыгара уадаҩуп.

"Жәантә еиҳаны иҳамазаргьы иаҳҭиуан", — иҳәоит Кокаиа.

Ари апроект абзиарақәа рахь иаҵанакуеит аусурҭа ҭыԥқәа раартрагьы. "25-ҩык инареиҳаны аусуцәа ҳаман. Аџьа рацәаны иацуп ҳәарада. Ҳгәы ҟанаҵоит аҭыԥантәи ауааԥсыра ахьадыԥхьало. Ауаа аус руеит, рџьаԥсахәгьы роуеит. Усда утәазар аасҭа еиӷьми", — иҳәоит Кокаиа.

© Sputnik / Томас ТхайцукСбор арбузов в селе Адзюбжа
Сбор арбузов в селе Адзюбжа - Sputnik Аҧсны
Сбор арбузов в селе Адзюбжа

Аӡҩыбжьа ашәыр, ауҭраҭых, аргәыц раарыхра адагьы урҭ аусеиҭарыдулара рыгәҭакуп.

"Цәыббрамза инаркны ақыҭанхамҩатә аалыҵ аус адулараз аргыларақәа рымҩаԥгара азыԥхьагәаҳҭоит. Аиҳарак ацитрустәқәа ракәхоит", — иҳәоит Иури Бораненко.

Ацитрустәқәа аԥыжәара шрыҭахогьы ауҭраҭыхгьы аусадулара мҩаԥыргараны иҟоуп.

"Абизнес-план азырхиоуп. Аргылара нап аркны абҵарамзанӡа ихыркәшатәуп. Аҭыԥантәи ауаа раалыҵ ааҳхәалоит", — иҳәоит иара.

Ажәабжьқәа зегьы
0