22:28 21 Цәыббра 2017
Аҟәа+ 23°C
Ишиашоу ицо аефир
Жәлар ринструментқәа рфестиваль Аԥхьарца

Жәлар ринструментқәа рфестиваль "Аԥхьарца" мҩаԥысит Аҟәа

© Sputnik / Томас Тхайцук
Аԥсны
Икьаҿу ахьарԥш аиура
1001

Ражден Гумба ихьӡ зху аҳәынҭқарратә филармониаҟны имҩаԥган абыжьбатәи Жәлар ринструментқәа рфестиваль "Аԥхьарца". Афестиваль иалахәын Гагра, Очамчыра, Пицунда, Гәдоуҭа ақалақьқәа рҿы еиҿкаау аколлективқәа.

АҞӘА, хәажәкыра 1— Sputnik, Рада Ажьиԥҳа. Иван Кортуа ихьӡ зху Жәлар ринструментқәа рфестиваль "Аԥхьарца" мҩаԥган Аҟәа хәажәкыра 1 аҽны.

"Афестиваль аҿар рыбжьара жәлар ринструментқәеи рашәақәеи апропаганда азуреи аларҵәареи рзы имҩаҧаҳгоит. Уи еицырдыруа амузыкатә коллективқәеи жәлар ринструментқәа рыла ашәақәа рынагӡаҩцәеи рхы аладырхәоит", – ҳәа иҳәеит жәлар рҟазара ареспубликатә центр анаҧхгаҩы Нури Кәарҷиа.

Кәарҷиа иажәақәа рыла, афестиваль мҩаԥыргоижьҭеи иҵуеит бжь-шықәса. Иара анхацдыркоз инаркны иахьанӡа рхықәкы анагӡара иаҿуп. Егьырҭ афестивальқәа излареиԥшым ари афестиваль ҷыдарак амоуп, иҳәеит Нури Кәарҷиа.

"Иахьатәи ҳфестиваль аӡбахә заҳаз аколлектив "Бза-Бза" Ҟабарда-Балкариантәи иаҳзааит. Жәлар рдоуҳа, ркультура аиқәырхара иацхраауеит абас еиԥш иҟоу аиԥыларақәа", — азгәеиҭеит иара.

Ахәаԥшцәа асценаҟны ирбоз ираҳауаз ргәы иаахәон, рнапеинҟьабжьқәа акыр аамҭа еихсыӷьра ақәмызт.

"Акырӡа иҳаранакуеит ҳара ҳгәалаҟазаара ас еиԥш иҟоу аконцертқәа. Иаҳбоит ҳаԥсуа культура аԥсы шҭоу, аҿар ишышьҭырхуа, пҳьаҟа ишырго", —  лхәеит ахәаԥшҩы Амза Арышԥҳа.

Афестиваль иалахәын Гагра, Очамчыра, Пицунда, Гәдоуҭа ақалақьқәа рҿы еиҿкаау аколлективқәа.

Раԥхьаӡа акәны афестиваль мҩаԥган 2011 шықәса рзы, Аҟәа ақалақь аҟны.

Ихадоу атемақәа