Кәасҭа Ченгьелиа: Ражьден Гәымба амелодиа аԥҵара дазҟазан

© Фото : muzkarta.infoАкомпозитор, ашәаҳәаҩ Кәасҭа Ченгьелиа
Акомпозитор, ашәаҳәаҩ Кәасҭа Ченгьелиа - Sputnik Аҧсны
Анапаҵаҩра
Акомпозитор, ашәаҳәаҩ Кәасҭа Ченгьелиа, акомпозитор Ражьден Гәымба дигәалаиршәеит.

АҞӘА, мшаԥымза 27 – Sputnik, Бадраҟ Аҩӡба. Ражьден Гәымба ашәақәа рзы амелодиақа раԥҵара даара дазҟазан, бзиа ибон, ибжьгьы ԥшӡан, иҳәеит акопозитор, ашәаҳәаҩ Кәасҭа Ченгьелиа.   

"1960 шықәсазы, сҭалеит Аҟәатәи амузыкатә ҵараиурҭа, уаҟа иаргьы аҳәынҭқарратә ансамбль аҟны аус иуан, ҳаиқәшәон, аха ҳаидгыланы аусура анҳақәшәа акомпозиторцәа реидгыла аҟны ҳанеиқәшәа ауп. Уаҟа есымша ҳаиқәшәон, иара ак ааигон ҳахәаԥшуан, сара ак назгон иахәаԥшуан, абас ҳаицын", — азгәеиҭеит уи.

Ражьден Гәымба иаԥиҵоз амелодиақәа даара иԥшӡан, ҳәа инаҵшьны иазгәеиҭеит Ченгьелиа.

"Усҟан Баграт Шьынқәба иаркы-ирцә ҳәа даныҟа аамҭа акәын, уи иажәақәа рыла Ражьден Гәымба имаҷымкәа ашәақәа аԥиҵеит, иаҳҳәап "Иааирума", "О, сыԥшалас", "Аԥсны лаша сымра тәыла", "Қәачала", — иҳәеит уи.

Ражьден Гәымба дхәыҷаахыс амузыка бзиа ибон, иԥсҭазаара зегьы зыдҳәалазгьы иара акәын, иҳәеит Кәасҭа Ченгьелиа.

"Ражьден Гәымба Дәрыԥшь агәы-ашашара аҟны диит, уи азы афольклор шьҭимхыр, ихы иаимырхәар ҟалаӡом, уани нахыс улымҳа иҭасуа аԥсуа ашәақәа роуми. Насгьы иара акалашәа ашәа иҳәон, ибжьы уамак ала ибзиан. Алаф бзиа ибон, дыхәмаруан ирацәаны", — азгәеиҭеит уи.

Акомпозитор, ашәаҳәаҩ Кәасҭа Ченгьелиа Sputnik Аԥсны иеиҭаз арадиоинтервиу шәазыӡырҩыр ҟалоит абра

Акомпозитор зегьы бзиа дырбон, уаҩышьалагьы, ҟазаралагьы, ҭеиҭԥшлагьы иаарылукаауаз дыруаӡәкын, иҳәеит Ченгьелиа.

Ажәабжьқәа зегьы
0