09:06 14 Ԥхынҷкәын 2017
Ишиашоу ицо аефир
Асовет Еидгыла Жәлар рартист, Асовет Еидгыла аџьа афырхаҵа, актиор, арежиссиор, асценарист Алексеи Баталов

Кьесоу Ҳагба: актиор иаҳсабала Алексеи Баталов дзыхьӡаз рацәоуп

© Sputnik. Екатерина Чеснокова
Аԥсны
Икьаҿу ахьарԥш аиура
1610

Асовет Еидгыла Жәлар рартист, Асовет Еидгыла аџьа афырхаҵа, актиор, арежиссиор, асценарист Алексеи Баталов иԥсҭазаара далҵит рашәара 14 аҽны. Аԥсны акиноматаграфистцәа реидгыла ахантәаҩы Кьесоу Ҳагба Sputnik Аԥсны арадиостудиаҟны дазааҭгылеит Алексеи Баталов иҟазара.

АҞӘА, рашәара 16 — Sputnik. Актиор иаҳсабала Алексеи Баталов дзыхьӡаз рацәоуп, абри атәы  иҳәеит Sputnik арадиостудиаҟны Аԥсны акиноматаграфистцәа реидгыла ахантәаҩы Кьесоу Ҳагба.

"Алексеи Баталов уаҩык иаҳасабала сихцәажәо идуӡӡоу ажәақәа сызҳәом, аха аҟазара  дуӡӡа злоу актиорын. Сара сабиԥара иаҵанакуа актиорцәа, маҷк иҳаиҵугьы асовет  ҳәынҭқарра актиорцәа  Баталов, Смактуновски, Лебедев, уҳәа  актиорцәа ҟазацәа ирааӡаз ҳауп. Сара уамакала сгәы далсит. Иԥсра гәалсроуп, аха дзыхьӡазгьы рацәоуп. Иинтервиуқәа мацара акырӡа иаԥсоуп", — иҳәеит Ҳагба. 

Кьесоу Ҳагба Sputnik иеиҭаз арадиоинтервиу шәазыӡырҩыр ҟалоит абра>>

Актиор Кьесоу Ҳагба иажәақәа рыла, Алексеи Баталов актиор иаҳасабала иааҟаиҵоз зегьы ҳаракыла, гәынхәҵысҭала иҟаиҵон.  

"Баталов амцхә ицәажәо, амцхә аҽырԥшӡара иашьҭоу актиорцәа дреиуамызт. "Москва слезам не верит" афильм  аҟны Алексеи Баталов ироль ихаҿсахьа акырӡа иҵаулахеит, агьама аҵаҵаны иҟан. Ас еиԥш иҟоу афильмқәа аамҭа амаӡам, актуалра амоуп есқьынгьы. Уажәы ҿыц сеиҭахәаԥшуазар да́ҽа шәызҵаарак рҭак ҟанаҵуеит, аԥхьа иуызгәамҭаз аҽакы  убоит. Ажәакала, иҟаиҵоз зегьы ссаӡамызт, даҵахәмарны иҟаиҵомызт, ихауҵон, игәра угон", — ҳәа иҳәеит Ҳагба.

Асовет Еидгыла Жәлар рартист Алексеи Баталов ахәаԥшцәа деицырдыруеит "Дама с собачкой", "Летят журавли", "Москва слезам не верит" акино сахьақәа рҟны инаигӡоз арольқәа рыла.

Ихадоу атемақәа