06:34 24 Абҵара 2017
Ишиашоу ицо аефир
Снос незаконной постройки в Пицунде

Пицунда-Мысратәи аҳәырԥсарраҿы иқәыргоит закәаншьаҭада иргылоу ахыбрақәа

Предоставлено пресс-службой президента Абхазии
Аԥсны
Икьаҿу ахьарԥш аиура
25 0 0

Еиуеиԥшым Аԥсны аӡбарҭақәа ирыдыркылеит Пицунда-Мысратәи аҳәырԥсарра иахьаҵанакуа закәандарыла иргылаз ахыбрақәа рганахь ала ашшыԥхьыӡқәа.

АҞӘА, абҵара 7 – Sputnik, Бадри Есиава. Аԥсны иреиҳаӡоу Аӡбарҭа аӡбрала ихацыркуп закәашьаҭада аҳәырԥсарраҿы идыргылаз ахыбра ақәгара. Абри атәы иҳәеит Аԥсны Ашәарҭадаратә Хеилак амаӡаныҟәгаҩ Муҳамед Кьылба.

"Анцәа иџьшьаны аӡәгьы ҿагылара ҟаиҵом. Зегь еилибакаарыла имҩаԥысуеит", — иҳәеит иара.

Кьылба иара убасгьы иазгәеиҭеит аҽа х-хыбрак рганахь алагьы аӡбрақәа шрыдкыло.

Пицунда Ахада Витали Хәытаба иазгәеиҭоита усурақәа даара маршәаркыла ишымҩаԥысуа.

"Аргылара аимыхра иаҿуп. Ашәқәа, аԥенџьырқәа аҽазныкгьы ахархәара роуртә еиԥш иқәыргоит", — иҳәоит Хәытаба.

Снос незаконной постройки в Пицунде
Предоставлено пресс-службой президента Абхазии
Снос незаконной постройки в Пицунде

Аԥсны Ахада ипресс-маҵзура ишаанацҳауа ала аҭыԥ аҟны иҟоуп Аԥсны Аԥыза-министр ихаҭыԥуаҩ Аслан Кобахьиа, Аҩныҵҟатәи аусқәа рминистр Гарри Аршба, Ашәарҭадаратә Хеилак амаӡаныҟәгаҩ Муҳамед Кьылба, Аӡбамҭа анагӡаҩцәа рмаҵзура аиҳабы Зураб Барцыц, аиустициа аминистр Марина Плиаԥҳа.

Рауль Ҳаџьымба 2017 шықәса мшаԥымзазы Пицунда-Мысратәи аҳәырԥсарра аҵакыраҿы ззин ыҟамкәа изҿыз аргыларақәа дырҭааны ибеит. Уи ашьҭахь иара имҩаԥигеит анҭыҵтәи аилацәажәара, адҵагьы ҟаиҵеит изакәанымкәа идыргылаз ахыбрақәа зегьы шьаҭанкыла иқәыргаразы.

Ихадоу атемақәа