15:46 16 Ԥхынҷкәын 2017
Аҟәа+ 14°C
Ишиашоу ицо аефир
Послы доброй воли Абхазии подарили ноутбуки сухумским школьникам

"Аԥсны Агәыҳалалра ацҳаражәҳәаҩцәа" ашколхәыҷқәа аҳамҭақәа рырҭеит

© Sputnik. Амра Амичба
Аԥсны
Икьаҿу ахьарԥш аиура
"Аԥсны Агәыҳалалра Ацҳаражәҳәаҩцәа" (24)
13 0 0

Москватәи аԥсуа диаспора иаԥнаҵаз Агәыҳалалратә еиҿкаара "Аԥсны Агәыҳалалра ацҳаражәҳәаҩцәа" аԥсуа бызшәеи, агәабзиарахьчареи, аҵареи, аспорти ирзырхоу агуманитартә проектқәа аус рыдырулоит.

АҞӘА, ԥхынҷкәын 5 – Sputnik, Амра Амҷыԥҳа. "Аԥсны Агәыҳалалра ацҳаражәҳәаҩцәа" ашколтә олимпиадаҿы иаиааиз Аҟәатәи Ашьхаруаа рышкол №10 аҵаҩцәа аноутбук ҳамҭаны ирырҭеит.

Ажәбатәи акласс аҵаҩцәа Глеб Аџьба, Данил Кәыҵниа, Инал Џьопуа ашкол адиректор Аида Кәарҷелиаԥҳа лажәақәа рыла адырра ҳаракқәа аадырԥшит.

"Ҩымш, асабшеи амҽышеи, имҩаԥысуан ашколтә олимпиада. Иара амаҭәарқәа зегьы аҵанакуан. Москватәи аԥсуа диаспора иаԥнаҵаз Агәыҳалалратә еиҿкаара "Аԥсны Агәыҳалалра ацҳаражәҳәаҩцәа" ирыӡбеит аԥсуа бызшәазы иалкаахо аҳамҭа ранаршьарц", — ҳәа еиҭалҳәоит ашкол адиректор.

"Аԥсны Агәыҳалалра ацҳаражәҳәаҩцәа" ашколтә олимпиадаҿы иаиааиз Аҟәатәи Ашьхаруаа рышкол №10 аҵаҩцәа аноутбукқәа ҳамҭаны ирырҭеит.

"Дарбанызаалак ауаҩы идыррақәа ҭбаазароуп. Еиуеиԥшым амаҭәарқәа рҟны аԥыжәара ахьшәоуз иалнаршоит ԥхьаҟа азанааҭ алхраан еиҳа алшарақәа роура. Ишәзеиӷьасшьоит ԥхьаҟагьы ақәҿиарақәа", — иҳәеит агәыҳалалра Ацҳаражәҳәаҩ Едгар Ӷәазаа.

© Sputnik. Амра Амҷԥҳа
Аԥсны агәыҳалалра Ацҳаражәҳәаҩцәа ашколхәыҷқәа аноутбукқәа ҳамҭас ирырҭеит

Глеб Аџьба ашкол иреиӷьу аҵаҩцәа дрылахәны ахьтәы медал аиуразы ихы ԥишәоит.

"Ажәахәқәа, арефератқәа анҳарҭо аинформациа аиуразы уажәшьҭа схы сыргәаҟӡом. Аноутбук даара исыхәарҭахоит. Ақалақь абиблиотекақәа рҿы исзымԥшаауа аинформациа аелектронтә библиотекаҿы исыԥшаалоит", — иҳәеит Глеб.

Москватәи аԥсуа диаспора иаԥнаҵаз Агәыҳалалратә еиҿкаара "Аԥсны Агәыҳалалра ацҳаражәҳәаҩцәа" аԥсуа бызшәеи, агәабзиарахьчареи, аҵареи, аспорти ирзырхоу агуманитартә проектқәа аус рыдырулоит.

Атемақәа:
"Аԥсны Агәыҳалалра Ацҳаражәҳәаҩцәа" (24)

Ихадоу атемақәа