18:57 23 Ажьырныҳәа 2018
Аҟәа+ 12°C
Ишиашоу ицо аефир
Города мира. Женева

Имҩаԥысит Женеватәи аиҿцәажәарақәа 42-тәи рраунд

© Sputnik. Владимир Федоренко
Аԥсны
Икьаҿу ахьарԥш аиура
11 0 0

Аԥсны Адәныҟатәи аусқәа рминистр Даур Ақаҩба зхадараҟны дыҟаз аделегациа алахәын Женеватәи аиҿцәажәарақәа 42-тәи рраунд. Аиҿцәажәарақәа мҩаԥысит ԥхынҷкәын 13 рзы, Женева.

АҞӘА, ԥхынҷкәын 14 – Sputnik, Амра Амҷԥҳа. Аиҿцәажәарақәа реихшьаалақәа рыла аганқәа еиқәышаҳаҭны ирызрыдымкылеит амч ахамырхәаразы аҳәамҭа атекст аҵыхәтәантәи авариант. Абри атәы Sputnik иазеиҭеиҳәеит Аԥсны Адәныҟатәи аусқәа рминистр ицхырааҩ Иракли Ҭыжәба.

Иара иажәақәа рыла амшхәаԥштә азҵаара ззырхаз амч ахамырхәаразы аҳәамҭа аҟаҵара акәын.

"Аганқәа еицырзыманшәалаз ацәажәарақәа шымҩаԥыргазгьы еиқәышаҳаҭны ирызрыдымкылеит амч ахамырхәаразы аҳәамҭа атекст аҵыхәтәантәи авариант. Убри инадҳәаланы иӡбан атекст аус адулара уажәшьҭантәи араунд ахь ииагазарц", — иҳәеит Аԥсны Адәныҟатәи аусқәа рминистр ицхырааҩ Иракли Ҭыжәба.

Аҩбатәи аусутә гәыԥ аусура аҳәаақәа ирҭагӡаны имҩаԥысуан агуманитартә ҟазшьа змаз азҵаарақәа.

Женеватәи аиҿцәажәарақәа уажәшьҭантәи рраунд мҩаԥысраны иҟоуп хәажәкырамза 27- 28 2017 шықәса рзы.

Ихадоу атемақәа