20:26 27 Рашәара 2017
Аҟәа+ 25°C
Ишиашоу ицо аефир
Аинфографика

Аԥсуа милаҭтә хәмаррақәа: "Мцы-мца"

Икьаҿу ахьарԥш аиура
4710
Аԥсуа милаҭтә хәмарра Мцы-мца
© Sputnik. Леон Гәниа

"Мцы-мца" аԥсуа милаҭтә хәмарра аҷкәынҵәа рзын

Алахәылацәа: 10-16 шықәса ирықәу аҷкәынцәеи аӡӷабцәеи хәмаруеит. Рхыԥхьаӡара ԥкым.

Ахәмарцәа ҭыԥс иааныркыло: Ахәмарцәа ҩ-гәыԥкны (командакны) рыҽшаны игылоит 20-30 метра зхышәа-ҵышәа ыҟоу аҭыԥ иахьаҵанакуа (мамзаргьы ахәмарыҩцәа ишьақәдыргылоит ирҭаху ахышәа-ҵышәа).

Ахәмарраҭыԥ еиҟароу ҩ-хәҭакны ахылаԥшратә цәаҳәала ишоуп. Аганахьалагьы зхысра ҟамло ацәаҳәақәа ҩба алгоуп. Ахәмарра хацнаркуеит ҵәҭаԥсарала иалкаахаз акоманда. Иара ахәмарыҩцәа руаӡәк ахылаԥшратә цәаҳәахьы днеины ҭаалымк ҟаҵаны, ацәаҳәа дахысуеит, нас ишьҭахьҟа даақәҵәины дыҩуеит. Ахәмарыҩ ацәаҳәа дшахысҵәҟьаз егьи акоманда ахәмарыҩцәа руаӡәык иҭыԥ дахҟьаны, дыҩны дишьҭалоит дикырц (дикьысырц). Дизкыр (дихькьысыр) "диҭҟәоит", иара итәқәа рахь дигоит. Абри ашьҭахь уи акомандаҟынтәи ахәмарыҩ актәи ахәмарыҩ еиԥш ахылаԥшратә цәаҳәахьы днеиуеит. Абас ахәмарыҩцәа зегьы аӡәаӡәала рҽеиҭаркуеит. Акоманда, "аӷацәа" рҟынтәи 70 процент тҟәаны изгаз ииаиит ҳәа иԥхьаӡоуп. Дахашәаланы хәмарҩык дынхар — еиқәшаҳаҭрала акомандақәа руак далахәны дыхәмарлоит анаҩсгьы.

Ахәмарра аԥҟаррақәа: ахәмарыҩ дрыҭҟәеит ҳәа дыԥхьаӡоуп ишьҭаз инапы изаанкылар мамзаргьы ицәеижхәҭак дахьысыр. Ахәмарыҩ ахылаԥшратә цәаҳәа иҩшьапык рыла дахысроуп. Уи убри ацәаҳәа иҩшьапык ахигаанӡа уишьҭаланы аҩра ҟалом. Данаанукыло акәзар шьапҿаршәа ҟауҵар ҟалом, уисыргьы азин умам. Иара убасгьы азин ыҟам ахәмарраан аганахьтәи ацәаҳәақәа рхысра.

Аметодикатә рбагақәа: ахәмарра еиҳарак ишьақәгылоуп аҩра аелиментқәа рыла. Аҩра адагьы ахәмарыҩцәа аццакра рылазароуп, агәҽанызаара аадырԥшуазароуп. Азин ыҟоуп ахәмарырҭаҭыԥ аура иацуҵар. Акоманда аԥыжәара ахәмарыҩцәа иццакны рыҩроуп изхьыԥшу.

Иҵегь аинфографика

  • заҟа иркозеи ашкол алгара
    Аҵыхәтәантәи арҿыцра: 16:15 25.05.2017
    16:15 25.05.2017

    Зыхә ҳараку аушьҭымҭа: заҟа иаԥсозеи ашкол алгара

    Аԥсны Аҵара аминистрра адырраҭарақәа рыла ареспубликаҟны аҵыхәтәантәи аҵәҵәабжьы амшныҳәа иаԥылоит 1 966-ҩык аҵаҩцәа. Арҭ аныҳәамшқәа рыламҭалаз, Sputnik Аԥсны иазнархиеит аныҳәатә харџьқәеи абжьаратә хәыԥсақәеи зныԥшуа аинфографика.

    34
  • Аԥсны ахәыҷқәа алаҵақәа шырзыҟарҵо
    Аҵыхәтәантәи арҿыцра: 13:39 04.05.2017
    13:39 04.05.2017

    Аԥсны ахәыҷқәа алаҵақәа шырзыҟарҵо: инарҭбааны

    ООН Ахәыҷтәы фонди (ИУНИСЕФ) Sputnik Аԥсныи иаздырхиеит Аԥсны алаҵа зызуу ахәыҷқәа рхыԥхьаӡареи иарбан чмазарақәоу уажәы урҭ зцәыхьчоуи аазырԥшуа аинфографика. Аибашьра ашьҭахьтәи аамҭазы алаҵа зегьы Аԥсныҟа аагара анапы алакуп ООН Ахәыҷтәы фонд (ИУНИСЕФ).

    18
  • Агәыҳәԥы акьыба
    Аҵыхәтәантәи арҿыцра: 15:14 01.03.2017
    15:14 01.03.2017

    Агәыҳәԥы акьыба: идыртәузеи

    Иарбан симптомқәоу агәҽанызаара узҭо, ацхырааразы адҵаалара абаҭаху, ишԥазыԥхьагәаҭатәу акьыбачымазара, абри агәыԥ ахь иаҵанакырц зылшода – абарҭ азҵаарақәа рҭакс иазҳархиеит инарҭбаау аинфографика.

    34
  • Sputnik Аԥсны 2.0
    Аҵыхәтәантәи арҿыцра: 15:58 08.12.2016
    15:58 08.12.2016

    Sputnik Аԥсны 2.0

    Амультимедиатә центр Sputnik Аԥсны ҩышықәса аус ауанаҵы Аԥсны аинформациатә ҵакыраҿ иалкаау аҭыԥ ааннакылеит. Аинформациа аласреи, ахышәа-ҵышәеи, амультимедиатә форматқәа реиуеиԥшымреи инарықәыршәаны Sputnik Аԥсны аиԥш зеиԥшу ареспубликаҟны иҟам.

    34

Ихадоу атемақәа