Трампи Путини ҭелла еицәажәеит

© AP Photo/Evan VucciВладимир Путин и Дональд Трамп, архивное фото
Владимир Путин и Дональд Трамп, архивное фото - Sputnik Аҧсны
Анапаҵаҩра
Америкеи Урыстәылеи рхадацәа– Дональд Трампи Владимир Путини ҭелла реицәажәараан шьамтәылатәи апроблема иалацәажәеит, атеррористцәа рнырҵәара ахыркәшара азгәаҭаны.

АҞӘА, абҵара 22 — Sputnik. Владимир Путини Дональд Трампи уаанӡатәи реиқәышаҳаҭрала ҭелла еицәажәеит ҳәа аанацҳауеит Sputnik Литва Кремль апресс-маҵзура адыррақәа шьаҭас иҟаҵаны.

Президент Америки Дональд Трамп - Sputnik Аҧсны
Трамп: Америкеи Урыстәылеи русеицура адунеи зегьы азы хра аманы иҟоуп

"Путин иҳәеит, Астанатәи аформат аантәи аицәажәарақәеи еицыҟаҵаз Аҳәамҭеи, абҵара 11 рзы Виетнам имҩаԥысуаз афорум "Азиа-Аокеанҭынчтәи аекономикатә усеицура" асаммит аҟны Урыстәылеи Америкеи рхадацәа ззеиқәышаҳаҭхаз Аҳәамҭеи инарықәыршәаны Шьамтәыла аполитикатә ҭагылазаашьа аҭышәныртәалара аус аӡбра дшазыхиоу", — ҳәа аанацҳауеит апресс-маҵзура, иагьазгәанаҭоит абри аҳәамҭа Мрагылара ааигәатәи арегион аҟны агәахәара шыҟанаҵаз.

Атәылақәа рхадацәа инаҵшьны иазгәарҭеит Шьамтәыла асуверинитети, ахьыԥшымреи аҵакыратә акзаареи шеиқәырхатәу, шьамтәылаҩныҵҟатә еиҿцәажәарақәа процесс амҩаԥысраан изызнеираны иҟоу аполитикатә ҭышәныртәалара апринципқәа ишрықәныҟәалатәу.

Путин Трамп изеиҭеиҳәеит Башар Асади иареи реиԥылара алкаа хадақәа ртәы. Аиԥылараан шьамтәылатәи алидер ишьақәирӷәӷәеит аполитикатә процесс, аконституциатә реформақәа, апарламенттә алхрақәа рымҩаԥгара дышрыдгылаҩу.

Уи адагьы азхьаԥшра аҭан абҵара 22 рзы Шәача имҩаԥысраны иҟоу Урыстәыла, Иран, Ҭырқәтәыла рхадацәа реиԥылара. Аиԥылараан ирылацәажәараны иҟоуп Шьамтәыла аполитикатә ҭагылазаашьа аҭышәныртәалараз ԥхьаҟатәи ашьаҿақәа.

Аганқәа иара убасгьы иалацәажәеит Кореиатәи адгьылбжьахаҟны иҟоу аҭагылазаашьа, адипломатиа ахархәарала апроблема аҭышәныртәалара еиҳа хра аманы ишыҟоу азгәаҭо.

Президент РФ Владимир Путин и президент США Дональд Трамп (справа) во время беседы на полях саммита лидеров Группы двадцати G20 в Гамбурге. - Sputnik Аҧсны
Путини Трампи реиԥылара арыцхә шьақәырӷәӷәоуп

Украина мрагыларатәи ахәҭаҿы иҟоу аҭагылазаашьа далацәажәо Путин иҳәеит минсктәи аиқәшаҳаҭрақәа макьаназы альтернатива рыманы ишыҟам.

Трампи Путини иара убасгьы иалацәажәеит аҵыхәтәантәи аамҭазы атеррористтәи анаркотикатә шәарҭара еиҳа-еиҳа иахьыҳаракхо Афганисҭан азҵаара. Ирҳәеит уи агәҭынчымра шрызцәырнаго. Уи адагьы иалацәажәан ирантәи аиадертә программа акәша-мыкәша иҟоу аҭагылазаашьа.

Кремль апресс-маҵзура адыррақәа рыла атәылақәа рыҩбагь рхадацәа реицәажәара "аусутә ҟазшьеи аҵак дуи" аманы иҟан ҳәа азырҳәеит.

Ажәабжьқәа зегьы
0